Kan ram dinhmun thlir mek hian eng nge I rilru ah lo fang hmasa ber le? Mizoram, 'ka ram'/'I ram' hi I vei em, vei i inti tawk em? He zawhna lian tak pahnih ngaihthuah ran chung hian han chhiar zawm ve teh.
Mizoram hi kan ram a ni a. Kan pi leh pu ten lu chum ban chum huam tak meuh meuha an lo sah zau kha a ni.Kei ni an thlah kal zel, Mizo thalai te hian hnam dang kan pe phal dawn em ni? Hnai love! Hetah tak hian thalaite kan pawimawhna a rawn lang ta reng a ni. Kan ram, chhul khat kuala min hringtu tan hian eng nge kan tih ye theih, engmah ti lovin kan liam san leh mai dawn em ni? Kan ram hi kan veia kan hmangaiha Mizo kan inti a nih chuan pen khat tala hma kan sawn theih nan hian thalai te hian theihtawp hi han chhuah theuh ila, hmuh theihin kan Ram hi a thang ngei ang. Thalaite han tih hi chuan kan rilruah naupang chumchiap leh upa te an lang hian ka ring lo, thalaite chu thalai, an vanglal hun hmang mek te hi an ni a. Mizo danah chuan thalai , KTP/TKP/PYD, leh a dangte chu kum 20 atanga kum 40 inkar hi an ni mai a.
Khawvel political history kan thlirlet chuanin sawrkar khalh ngila, ram leh hnam tluchhe tur siamtha tute chu zirlai/thalai rual intelkhawm deuh vekte an ni a. French Revolution 1795 velah pawh khan zirlaite leh kuthnathawktute lungawi lovin nasa takin an ram kalphung an sawi danglam tih kan hmu a, a hnu fe kum 1968-ah te pawh khan Paris leh Bologna University Zirlaite inhawrkhawmin kuthnathawktute leh rethei zawkte hmakhua an ngaihtuahin an lungawi pui thei lo va, chu chuan nghawng a rawn nei lian tual tuala an ram kalphung thalo lai an thlak phah hial ta reng a nih kha. Chuvangin, keini zirlai rual intelkhawmte hi kan ram tluchhe mek tungding leh theitu kan ni tih inhria ila, kan thiamna leh finna te hi ram leh hnam tan i hlan zel ang u. He kan ram, Zoram khawvel khawvel hriata pholang tur hian keini zirlai lote hi mi dang an awm chuang em ni? Khawvela hruaitu langsar tak tak te hi zirlai an nih laia khawtlang leh pawl thila inhmang hriam tawh deuh vek te an ni.
Chuvangin, keini zirlaite hian zirlai kan nih chhung ngei atang hian ram leh hnam tana kan pawimawhna hi hria ila. America ram President hlui ropui tak John F. Kennedy-a'n,"Ka ramin eng nge min tihsak theih tih aiin, ka ram tan eng nge ka tih theih tih kan ngaihtuah zawk tur a ni" ti- a ram mipuite hnena thuchah ropui tak a rawn sawi tawh ang khan keini zirlaite pawh hian zirlai kan nih vang ringawta society laka tlanchhe thei kan ni lo tih hi i hre reng ang u.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
mahni article ziah loh han publish tawp mai chu in zâm lo leh lutuk lo maw?
ReplyDeleteHei pawh hi i ziah a ni leh chuang lovang
ReplyDeleteHei chu a ziak tu a đang deuh niang. A spelling mistakes leh conjunctions dahna te a diklo nasa bik riau mai. Author in ang tih a tar lan theuh2 ah, a thu kaldan leh ama style ava danglam hlom neih nuaih ve.
ReplyDeleteHei pawh hi ama work anga published chu a nia, mahse ama ziah ngei a ni chiang ang maw. Midang ta a ruk a a lo thehluh te hi a ni zawk lo maw
ReplyDeleteinter-college literature club general secretary te chu i ni ve luah bawk sia, mi work i plagiarise pawp pawp bawk si
ReplyDelete🤡
ReplyDeleteEM pawh hi a demawm khawp mai
ReplyDeleteDik chiah mai, mi thil ru tu publicity han pek mai chu, he website ka hmuhdan a hniam rawk rawk mai
Deleteoriginality neilo writer chu writer diktak a ni thei dawn em ni?? min “pek” hnu ruk anga puh ti in ala tang ngam zawk ania!! lo pe pawh ni ta tehreng se mahni ziah ni miah loa lawmman dawn te kha engtin a theih zawk lee?!? a ziah pawh nilo mi kutchhuak hmangin lawmman a dawng a, thei ta ber leh thiam ta ber ah a in ngai nghal ringawt a, writer a han inti nghal ringawt a!?!?! huihemmm harh rawh thiannuu tunah tak chuan Zoram aiin nangmah khan tan i mamawh zawk!! harhna kawngah tang fan fan rawh!!! i talent diktak zawk pawh i hai chhuah phah mahna!!! goodluck👍
ReplyDeletePost a Comment
He post chungchanga i ngaihdan lo sawi ve rawh: