Aizawl | July 17, 2023: Zirna atana bika duan channel pahnih; Elementary Level tan Zirna Kailawn - Learning Ladder (MZ128) leh Secondary Level tan Zirna Lamtluang - Learning Pathway (MZ129) te chu July 29 hian State dang rualin hawn a ni dawn.
He thil ngaihtuahtu State Steering Committee on PM eVIDYA DTH TV Channel, Mizoram chu Dr. Lalzirmawia Chhangte, Secretary, School Education Department hovin vawiin 17th July, 2023 chawhnu dar 3:00 khan a office-ah neih a ni.
He meeting ah hian Pi Laldawngliani Chawngthu, Director, SCERT chuan he TV Channel chungchang hi a sawifiah a. 29th July, 2023 hi NEP 2020 tlangzarh champha vawi 3-na a nih denchhenin, India ram pumah a ruala hawn a nih tur thu a sawi.
Ministry of Education, Government of India hmalakna a zirna atan bik liau liau a TV Channel state tin te a pek chungchang te sawiin, PM eVIDYA DTH TV Channel chu Mizoram pawh channel panga (5) pek kan nih thu leh chuta channel panga zinga pahnihte chu Phase hmasa ber atan tihchhuah tura hmalak niin heng channel pahnihte hi Elementary Level tan Zirna Kailawn - Learning Ladder (MZ128) leh Secondary Level tan Zirna Lamtluang - Learning Pathway (MZ129) te an nih thu a sawi.
MZ128 leh MZ129 channel te hi DD Free Dish DTH (MPEG-4) Set top box hmangte in en theih a ni ang. Mizoramah pawh school-a TV nei zawng zawngin an en vek theihna turin hmalak a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: