Aizawl | July 19, 2023: Rajya Sabha MP K Vanlalvena chuan zanin dar 9 hnu lam khan facebook status update-in, 'Uniform Civil Code sawiho a ni rih dawn lo," a ti.
K Vena chuan, "Rin loh takin Uniform Civil Code Bill chu sawi ho tura chhawpchhuah tur zingah a tel rih lo tlat nia." a ti bawk.
K Vena Status kimchang:
Parliament Monsoon Session naktuk Dt 20.7.2023 a neih tur inbuatsaih nan vawiin tlai khan Parliament Library Building Committee Roomah All Party leaders meeting Lok Sabha leh Rajya Sabha neih a ni a. Union Defence Minister Pu Rajnath Singh an meeting min kaihruai a.Parliamentary Affairs Minister ten min uap bawk a .Mizoram Lok Sabha MP Pu C.Lalrosanga nen pawh kan tel ve a ni.
Tun tum Session hi Parliament Session vawi 260 na tur niin Parliament Building tharah session nei tura in buatsaih a ni.
Tun Session chhung hian Bill chi hrang hrang 31 sawi ho tura chhawpchhuah tum a ni a. Rin loh takin Uniform Civil Code Bill chu sawi ho tura chhawpchhuah tur zingah a tel rih lo tlat nia.
Party aiawh pakhat zel in thusawi na hun neih niin MNF aiawhin Pu C.Lalrosanga MP LS chuan kan thenawm state Manipur a harsatna thleng mek chung chang uar takin a sawi a ni.
Chhinchhiah tlak deuh thil pakhat chu Media lam te hian kan meeting thla te lak an duh si a,meeting pawimawh neih laia Media lamte lo awm ve hi a rem si lo va.Meeting tan dawnah media/ cameramen te hi an zavaiin koh luh an ni a,minute 2/3 vel an han hmet de zuai zuai a,min chhuahsan fel hnuah meeting kan tan a ni.
Mizoram ah pawh sawrkar meeting pawimawh chi hrang hrangah hetiang hian ti ve thin ila,media te vui leh vaina thenkhat hi chu a ziaawm thei mai awm e.Kan lo tih thin mek dan pawh a ni thei bawk e.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: