Tunhnai boruak avangin RIMS, Imphala Mizoram zirlai 40 lo haw leh; Zirlai dang an him!

Aizawl | July 24, 2023: PAMRA thuchhuah, MSU hmalak tumna leh NGO CC hmalaknaa Mizoram puma Manipur Zofate tawrhpuina kawngzawh neih turin nghawng ṭha lo a neih hlauhthawn thuah nimin thleng khan RIMS, Imphal-a Mizoram zirlai 40 an lo let leh tawh!

Thudawnnain a tarlan danin, inrinni khan zirlai 13 an lo haw a, nimin khan 27 an lo haw leh a, an vawiin mi 40 an ni. Heng zirlaite hi B.Sc Nursing, M.Sc Nursing, MBBS leh a dangte an ni hlawm a, mipa leh hmeichhe zat erawh hriat a ni lo thung.

Thudawnnain a tarlan danin, RIMS ah hian Mizoram zirlaite an him a, engmah buaina an tawk lo. Chhungte tan pawh ngaihṭhat lohna tur a awm loh thu thudawnna chuan a sawi.

Mizoram Zirlaite hi hruaihaw an nih hnuah, RIMS lamin zirna an chhunzawm si avangin June thlaa kal leh tawhte pawh an awm a, chutih rualin July 7 vela let an awm a, July 18 a let an awm bawk a ni.

RIMS ah hian Mizoram aṭangin zirlai 109 an awm a, MBBS zirlai hi intern ti mek nen 36 an awm a, B.Sc Nursing zirlai leh PG ti mekte nen an ṭhahnem hle a ni.

Hetihlai hian Manipur chhunga Zohnahthlak zirlaite chu buai hnu khan an zirlai chhunzawm tur hian Imphal-ah an let leh tawh lo niin thu dawn a ni.

Scan Here to Donate!

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ