Aizawl | July 29, 2023: School Education Minister Lalchhandama Ralte chuab Vawiin July 29, 2023 chawhma dar 11:00 khan Mizoram tan zirna pual TV channel pahnih - PM eVIDYA DTH TV Channel pahnih a hawng.
India ram pum tana Education pual liau liaua Ministry of Education, Government of India in a duan TV channel 200 chuang chu a rualin vawiin hian hawn a ni a, heng TV channel te hi India ram puma zirlaiten zirna inang leh intluktlang an dawn theihna tura ruahman niin, One Class One TV channel tih thupui hmanga duan a ni.
Mizoram hian TV channel 2 kan nei dawn a, chungte chu –
1. Elementary level tan Zirna Kailawn- Learning Ladder
2. Secondary level tan Zirna Lamtluang- Learning Pathway te a ni dawn a ni.
Heng channel te hi DTH TV kaltlangin PM eVIDYA MZ128 leh PM eVIDYA MZ129 ah te bakah YouTube lamah SCERT Mizoram Zirna Kailawn- Learning Ladder leh SCERT Mizoram Zirna Lamtluang- Learning Pathway –ah te live stream a ni thin dawn a, englai pawha en reng theih tura chhawp chhuah a ni ang.
Heng TV channel enkawl hi State Council of Educational Research and Training (SCERT) kutah a awm a, State Coordinating Agency atana ruat a ni. A chhuah tur content buatsaih pawh an kutah a awm ang.
Pu Lalchhandama Ralte, Minister chuan zirna tihchangtlun nana TV channel pahnih lai mai kan han nei ta hi lawmawm a tih thu sawiin, Mizoram chhunga zirlai zawng zawngte leh zirtirtuten an hlut thiam a, tangkai taka an lo hman ngei a beiseiin a duhsak thu a sawi bawk.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: