Aizawl | July 1, 2023: Mizo Zirlai Pawl, Hqrs. Kolasib-te buatsahin, nizan 30.06.2023 zan dar 7:30 khan, I&PR Conference Hall-ah, Remna ni vawi 37-na chu hman niin, Khuallianah Kolasib bialtu MLA Pu K. Lalrinliana, Minister FCS&CA, LAD etc chu niin, Rev. Joe Laldinpuia, BCM chuan hunserh a hmang a, Pu Lallawmzuala Sailo, Joint Secretary chuan Report pein, Lalrinhlua, Treasurer MZP. Hqrs. Kollasib chuan hun a kaihruai a ni.
Khuallian Pu K. Lalrinliana chuan thusawina neiin, vawiin lamah Mizoram Sawrkar in Remna ni a lo hman tawh avangin MZP te hi inthlahrung tur an ni lo a, Sawrkar anga Remna ni hman a nih loh lai pawhin, MZP te Remna ni hmanna hun lo buaipui tawhtute an niin, a neitu dik takte an ni a, Kan ramah tam a lo tla a, India in kan beisei leh mamawh ang a min ngaihsak tawk loh vangin, Tamdo pawl atangin, helna lo chhuakin, India rama rambuai ber kan lo ni ta a, Rev. Zairema famta te hi bultantu zing ami leh hmalatute an ni a, buaina nasa tak kan tawrh tak hnuah, Kohhran leh NGO ten hmala chhovin, MZP te hi India nena remna a awm theih nan hma an la a, MZP hruaitute chu, Delhi-ah palai hna thawkin, Remna leh muanna kawng dapin chak takin hma an la ta a, inremna atan Point Pawimawh tak tak 5 siamin, theih tawpin hma anla chho ta a, Remna leh muanna athlen theih nan, India lndependent-te pawh Boycot hialin, MZP hruaitute chuan, Jail bang hialte zut phahin, Zirlai pawl tam takin Hnam sipaite an zawm phah hial ta a ni.
Delhi khawlaiah pawh Remna leh muanna a awm theih nan, MZP te hmalaknain lungawilohnate an lantir a, MZP te hi India leh Mizoram te an inremna atan a sulsultu tangkai leh thawh hlawk tak an ni a, MZP te hmalakna leh thawhrimna zarah Inremna chu lo awm tain, India rama ram ralmuang ber kan lo nih theih nan hian an tangkai tak zet a, chu Inremna chuan chhawm tam tak a nei a, kan duhthusam Zohnahthlakte Rorelna hmun khata awm a; Independent chu ni ta lo mah ila, Special Category State kan lo nei chho ta a, India ram Independent a lonih khan, Mizo te chu thendarhin kan lo awmta a, Pathian remruatnain chung Zohnahthlak te then darh a awm mek te hi rorelna pakhat a awm turin hma kan la sawn chho zelin a rinawma, tunah pawh, Cachar, Myanmar, Bangladesh leh Manipur atang te pawh hian, kan unaute tuam hlawm hna kan thawk mek zel a, heng kan unaute sahimna zawnga min rawn beltute hi kan tuam hlawm mek a, ei leh bar mai bakah Zirna School thlengin pek an ni a, Kan unau Myanmar atanga rawn raltlan te phei chu, India ram rorel khawl te chuan, an ram a hnarkir turin min ti mahse, Mizoram C.M Pu Zoramthanga chuan, Kan unaute an ni a, kan tuam hlawm a ngai tiin huaisen taka a dodal ngam avangin, kan unaute thlabar leh mangangte chu kan lo hum thei ta hi a hluin a lawmawm hle a ni a ti.
MZP te chuan, Khuallian Pu Rintea chu lawmthu sawina leh chawima momento an hlan nghal bawk.
MZP Hqrs. Kolasib Remna ni hmannaah hian, Khual zahawm Pu John. L. T. Sanga, Kolasib Bawrhsap, Pu C. Zomuanpuia Resorce Person leh All NGO's Coordination Committee aiawhin Pu C. Liankunga, a Vice President YMA Sub-Hqrs. Kolasib leh Pu F. Zatawna President Ex-MNA ten hnen atangin, thusawi ngaihnawm leh hlutak nhgaihthlak a ni bawk.
Remnani hmannaah hian, NGO aiawh te an tel kim hle a, Political party tin aiawh te sawm an nihna angin, MNF leh ZPM Party aiawh te an tel bawk.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: