MSU-in MZU UG 2023 zirlai tithate chawimawina hun hmang; MSU President-in Mizorama Meiteite an sahimna atan Manipura let vek turin a chah

Aizawl | July 20, 2023: Mizo Students’ Union (MSU) General Headquarters, Aizawl chuan vawiin 20th July, 2023 chawhma dar 11:00 khan Vanapa Hall-ah Mizoram University buaitsaih Under Graduate Examination 2023 result tih chhuaha Subject hrang hranga Mizo Topper-te lawmpuina leh Students’ Union Leaders 2021-2022 Graduate tharte lawmpuina hun a hmang. Deputy Chief Minister Pu Tawnluia chu khuallian ani a, Pu TJ Lalnuntluanga Transport Minister chu khualzahawm a ni a, Pu John Lalpeka , CEO G I.G Motor chu uaptu a ni. He hun hi Pu Laldinsanga, Vice President-in a kaihruai a, Rev. Z. John Malsawma Colney, Synod Partnership Committee, Synod Office, Aizawl chuan hunserh a hmang.

President Pu Samuel Zoramthanpuia chuan mizo zirlaite chu kan pi leh pute, kan nu leh pate kan ram tana an lo inpeknate entawna mizo hnam chhan turin a fuih a, mahni hnam chhana ke pe reng reng khawvelin a dem ngailoh thu chu uar takin a sawi. Tin, tunhnaia Manipur ram chhunga Zofate tawrhna rapthlak tak avangin Mizo thalaite thinlung chu a na takzet a ni tiin, Mizoram chhunga Meitei awmte chu an sahimna tura Manipur rama let vek turin a chah a ni.

Khuallian Dy CM Tawnluia chuan, kan ram leh hnam Pathianin min pek hi min nek chep a, min rap bet tu te laka vawng him turin leh kan hnam chhan chu tu dang kut ni lova thalaite kutah a innghah thu a sawi a.

Tin, thalaite chu kan ram, kan hnam vawn nunna turin Nationalist Spirit hi kan in zirtir a, kan thinlungah hnam nationalist rilru kan in tuh thar angaih thu leh khawi hmunah pawh thalaite chu awm ni ila,mizo nihna vawng nung a chawi nung zel turin a chah a.Kan thiltihna kawng hrang hrangah Pathian hre reng leh Lapa Tih chunga kan thawh zel chuan Pathian in mal min sawm zel dawn thu a sawi a ni.

Khualzahhawm TJ Lalnuntluanga chuan, 'Kan zirlai vawiina kan lawmpuite hi naktuk lawka kan ram, kan sawrkar hruaitute leh office hmun pawimawh tak tak luahtute inla ni dawn a, kan ram leh hnam hmangaihna pu thar turin ka chah duh che u a,

Kan sawrkar department a thawktute hian kan hnathawh chhan chiang ila, sawipuitu leh hmelhriat neive lo te tan i ding thar ila, midangte tan malsawmna kan put thar a ngai ani, kan sawrkar hnathawk thenkhat te hi chuan kan duhsak file chu kan ti kal chak a, kan hriat lemlohte file erawh Kan delay rei thei hle , chuvangin kan rilru siamtharin mitin tana banphak officer sawrkar hnathawk ni turin rilru kan siamthar angai a, he kan ram zimteah hian in en hrang tham kanla awm lo a, chuvangin induhsak tawnzel turin ka chah duhche u ani ati bawk.

Uaptu GIG Motors CEO John Lalpeka pawhin thusawiin, 'Nu leh pa tamtak te hian kan fate hi hmangaihna aiin khawngaihna in kan enkawl tam tawh zawk a, hei hi athalo takzet a ni. Kan fate hi ring ngam ila, fa te pawhin nu leh pa te min rinna hi kan ti chhe tur ani lo. Kan theihna tak tak hmanga lehkha kan zir angai a, kan tum tlat chuan kan hlawhtling ngei ngei ang. Mi fate pawh an hlawhtlin theih chuan engvangin nge kan hlawhtlinloh bik ang tih hi kan thinlungah I vawng tlat ang u tiin a fuih.

Under Graduate Examination 2023 Mizo Toppers lawmpuina hlante chu:

1. English: C. Zomuanpuii, Govt. Hrangbana College

2. Mizo: Lalremtluanga Pachuau, Faith College

3. Hindi: Lalthafeli, Govt. Aizawl College

4. Education: Maggie Lalruatsaki, Govt. Hrangbana College

5. Geography: Judy Lalpekhlui, Lunglei Govt. College

6. History: Lalduhsaki, Pachhunga University College

7. Sociology: Lalrinhlui, St. Xavier's College

8. Political Science: C. Zochhuankimi, Pachhunga University College

9. Psychology: Eileen Lalhmangaihi, Pachhunga University College

10. Economics: Laldinpuii Pautu, Pachhunga University College

11. Philosophy: C. Biakthansanga, Pachhunga University College

12. Public Administration: John Lalawmpuia, Pachhunga University College

13. Mathematics (BA): Lalhriatpuii, Pachhunga University College

14. Physics: Zothanpuii, Govt. Zirtiri Residential Science College

15. Chemistry: Lalbiakdika, Pachhunga University College

16. Mathematics (Sc): C. Lalruatdika, Pachhunga University College

17. Zoology: Zonuntluangi Zadeng, Pachhunga University College

18. Botany: Biakhluzuali, Pachhunga University College

19. Geology: Samuel Lalrinsanga, Pachhunga University College

20. Statistics: Lalhmingsanga Sailo, Pachhunga University College

21. Environmental Science: Lalthatluangi, Pachhunga University College

22. Biotechnology: Jeffrey Vanlaltlana, Pachhunga University College

23. Electronics: Melody Zonuntluangi, Govt. Zirtiri Residential Science College

24. Biochemistry: Lalrinzuali, Govt. Zirtiri Residential Science College

25. Commerce: C. Lalnunhlimi, Govt. J. Buana College

26. Home Science: Saipari, Govt. Zirtiri Residential Science College

Gold Medalistte:

B.A - Lalduhsaki, B.Sc - Jeffrey Vanlaltlana leh B.Sc Home Science - B Saipari, B.Com - C Lalnunhlimi erawh a kal ve lo.

He hunah hian College Students’ Union Leaders 2021-22 graduate tharte lawmpuina hun neih ni nghal a ni a, Pi KC Runremsangi hnenah Mizo folk song, hnam lam leh rimawi hmanga zofate khawvel hmun hrang hrang hmuha min phochhuaktu a nih avangin MSU Award 2023 hlan ani a, MSU Chhungkua atanga Mizoram Cooperative Apex Bank a Board of Director atana thlan thar Pu Lalrempuia hnenah lawmpuina pek a ni a, Malsawmdawngzela, Vice President Tlungvel hnenah In kang atanga nunna a chhanchhuah avangin chawimawina pek an ni bawk.