Manipur tualchhung buaina hi anmahni Manipur state Sorkar siam a ni.
Manipur Chief Minister hi a inrawlh lohna turah a inrawlh a ni.
Mizoram chhunga Meitei te pawn chhuak rih loh turin ngen.
Aizawl | July 18, 2023: Vawiin ni 18, July 2023(Thawhlehni) hian ZO Reunification Organisation (ZORO) chuan executive committee meeting an nei a, he hunah hian ni 12, July 2023-a Manipur tualchhung buaina avanga kan unaute tawrhpuina, thlavang hauhna leh nunna chan te sunna hun hman zawh tak thlirletna leh hmalak zel dan tur sawi a ni. Manipur Zofate thlavang hauhva, tawrhpui leh sunna hun hmanga rawn penchhuak zawng zawngte chungah lawmthu an sawi.
ZORO chuan ni 16, July 2023 a North East Live- a N. Biren Singh, Manipur Chief Minister in Mizoram chhung a ruihhlo kal vel Mizoram Police in an man sak chungchanga tawngkam nei a, sawi a lo nei ve hi tul lo an ti.
ZORO chuan Manipur Chief Minister hi Mizoram state chhung thil thleng chungchangah rawn inrawlh buai lo turin kan hriattir a, a in rawlh loh na turah a in rawlhah an ngai a. Manipur Chief Minister hian a state huamchhungah Human Rights dan khawvel hmaah a bawhchhia a, Sorkar leh Police chakna hmanga Zofate a bei hi an dem takzet a ni tih an puang nawn leh.
Tin, Manipur Governor in Manipur tualchhung buaina thleng chu an state pawn a bikin Burma ram atanga rawn chhuak anga a sawi hi an dem hle a, Manipur tualchhung buaina hi anmahni Manipur state Sorkar siam a ni tih hi lo hre nawn turin an ngen a ni.
ZORO chuan, MZP in ni 6, May 2023-a thuchhuah a lo siam tawh Manipur tualchhung buai avanga Mizoram chhunga Meitei awmte an sa himna tura pawn chhuak rih lo tura a lo hriattir tawh chu a thlawp tlat a. Mizoram State chhunga Meitei awmte chu anmahni sa him na tur a nih zawk dawn avangin pawn chhuak lo turin a ngen a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: