MANIPUR | Pasaltha ruangin a khua pan; an khua a tlawh hnu-ah Tuithaphai panpui

Aizawl | July 17, 2023: Manipur buaina vanga hliampui tuar Pasaltha Tv. Buonthanglur chu hun eng emaw chen Civil Hospital, aizawl-a enkawl hnuin nizan dar 8 vel khan a hmangaih a ram leh hnam a chawlhsan ta!

Hnam Pasalṭha Buonthanglur hi nizan khan Hmar Students' Association (HSA) Joint Headquarters, Aizawl chuan Hmar Thangsuopuon-in an tuam a, a ruang hi zah leh lainat tak chungin an thlah a ni.

HSA chuan a thih thu an hriat rualin a hmunah an tlan khawm nghal a, Hmar Inpui, Mzioram Region hruaitute nen ngaihtuah tulte ngaihtuahin Pasaltha ruangin an khua a thlen dan tur an ngaihtuah a ni.

Nizan dar 10:45 vel khan Aizawl a chhuahsan a, vawiin khan Ankhasuo-ah a thlahna hun hman a ni.

Tlai lam khan an khua atangin Tuithaphai/Lamka/Churachandpur panpui leh a ni a. Anakhasuo atanga an chhuak hi Taithu JT Road-ah Hmar Youth Association (HYA) Ambulance in lo nghakin, HYA Ambulance hmang hian Tuithaphai/Lamka/Churachandpur panpui leh a ni.

Pasaltha Buonthanglur ruang hi ITLF Morgue-ah dah tura ruahman niin thudawnna chuan a tarlang a. Hnam pasaltha dangte rualin ropui taka la vuiliam tura ruahman a ni.

Pasaltha ruang hi a tlawh chinah an lo hmuak zel a, HSA Sakawrdai Unit-in puanin an lo tuam a, New Vervek-ah lo hmuakin, New Vervek YMA, MHIP bakah HSA Sakawrdai Unit leh HSA Joint Headquarters, Sinlung Hills hruaitute'n a ruang an zui a ni.

Buonthanglur hi a ruang phurh nan Aizawl to Tuivai thlenga a ruang phurh nan Minister Lalchhandama Ralte hi Ambulance a tum a, Tuivai atanga Ankhasuo thleng lawnga a ruang phurhna tur hi Manipur MLA Ngursanglur Sanate-in a tum bawk a ni. Hmar Inpui Mizoram Region in kuang mawi tak nen an thlah a, Sinlung Hills Council (SHC) Executive Member (EM) C Lalnunthlanga chuan cheng 2,000 in a ral bawk a ni.

Buonthanglur hi a mal-ah na taka kah a ni a, a chhe hneh hle a, July 3 khan Aizawl lo thlenpui a ni a, nizan khan a boral a ni.