Aizawl | July 20, 2023: Aam Aadmi Party (AAP) Mizoram chuan vawiin khan an President Pu Andrew Lalremkima hovin Aizawl Press Club-ah chanchinbumite an kawm a, tunhnaia Manipura thil thleng avangin Mizo mipuite an rilru a nat thu leh he buaina lo chhuahna chhan bul ber chu BJP a ni an ti.
AAP hruaitute chuan tunah pawh Mizoramah BJP ho chuan hnam hnufuala an ngaihah thapui an thawh mek a, nakin lawkah hei hi Mizoram tan hian a la pawi thei a ni an ti a. Kristianna in a tawrh mek lai leh nek chep a nih mek laite, hnam hnufual zawk ten an tawrh mek laia Prime Minister Narendra Modi leh a Party an ngawi tlat chu, a ram mi leh sate ngaihsak lohna lian tak leh ram mipuite tawrhna ngaihthahna lian tak a nih thu an sawi a ni.
Hetiang a nih laia ram hmangaih tak taka an ngaih Mizoram hruaitu MNF te BJP kaihhruaina hnuaia meeting an neihnaa an tel ta mai chu AAP in hriatthiam har an tih thu an sawi a, BJP Mizoram Vice President hial a ban laia BJP central lam lo intlawnsiak party an lo awm chu mak an ti an ti a. Kristianna nekchep a nih lai leh an unau ten an tawrh mek laia BJP thawhpui duh party an awm leh an ni nena inkungkaihna nei zawnga sawi tur party an awm chu pawi an tih takzet thu an sawi a ni.
AAP chuan MNF Party chu BJP nen an inzawmna zawng zawng titawp turin an phut tih an sawi a, India dan pui zahna nei lo leh a mi chengte ngaihsak miahlo a hetianga che duh sorkar hi Mizoram, Kristian rama awm atan an duh lo tih an sawi bawk a ni.
- AIR
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: