Aizawl | July 6, 2023: Lam lama hriat hlawh leh hlawhtling tak zing ami Lalhriatzela, Zuangtui Veng, Aizawl chu vawiin chawhma dar 10 vel khan an kawmthlanga electric hrui kalin a man avangin chatuan ram a pan.
Kum 25 mi, Zoram leh Zoram pawn thleng pawha entertainment khawvela Nintendo tia hriat lar Lalhriatzela hi naktuk (July 7) chhun dar 12 ah vui a ni ang.
Hriata hi Mizo lamthiam zingah chuan tawnhriat ngah leh thleng thui ber zinga mi a ni a, kum 2016-ah Mumbai-a Hip Hop International, Indian National qualifiers-ah 2 VS 2 All styles battle-ah Arunachal-a a ṭhianpa nen Gold Medal an la tawh a. Kum 2019-ah Star Plus channel buatsaih Indian dance reality show lar tak ‘Dance Plus’ ah top 32 a inhlangkaiin, Mizo zinga dance reality show leh lam lama inelnaa thleng sang ber a la ni a. Zonet buatsaih U Got Talent 2017-ah khan Snow Buzzer a bawk.
Mizo Dance Camp ‘The Main Event’ Mizoram Dance Sports & Movement Championship, tunhnaia neihah khan Organising member niin, Showcase-a a dance piece ‘Rest In Motion’ tih chu a lam hnuhnung ber a ni ta bawk.
Source: ZabillianZ
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: