Kawng chhe lutuk vangin NHIDCL office kawtah pungkhawm; thil tha lo zawk a thlen chuan min dem thei lovang!

Aizawl | July 19, 2023: Tlabung VC leh Tlabung Welfare Committee, Aizawl huaihawtin vawiin dar 11:30 khan Tlabung - Lunglei kawng chhe lutuk avanga lungawi lovin NHIDCL Office kawt, Tuikhuahtlang-ah an pungkhawm.

Vawiin-a Kawng chhe lutuk vanga NHIDCL office kawtah pungkhawm te hian, "thil tha lo zawk a thlen chuan min dem thei lovang!" tiin NHIDCL thuneitute hriat atan an sawi.

National Highway 302 chu hi siam zawh hun tur tih-ah siam zawh a la ni lova, kawng a chhe em em a, mipui chak lakna ber leh ramri vengtu sipaite chetvelna pawimawh tak a ni bawk niin Tlabung khawtlang hruaitute hian an sawi.

Tlabung khawtlang hian kawng chhe lutuk thlalak banner-a an print chu NHIDCL thuneitute'n an hmuh a, an rilru-ah kawng chhe siam tura hna a thawh theih nan tiin an office-ah an tar a ni.

Kawng chhe thlalak te hi a chhe lai emaw a tha lo zual lai lak ni lovin, a tha lai lak a nih zawk thu an sawi a. A chhe zual lai phei chu dah ila kawng a nih mipuiin an rin phak loh tur thu a sawi.

Kawng chhia hi a rang lama siamthat an phut a, hetia kawng siam hna thawh vat a nih loh hi mipui zah lohna niin an sawi.

video

Contractor-ten hnathawhna hun an neih chhunga an zawh hman loh National Highway 302 chu tunlai hian lirthei tana zawh a hrehawm lehzual avangin mipui mamawh phur lirthei thenkhat an tlan ngam lo, niin thudawnna chuan a tarlang.