Aizawl | July 16, 2023: Zoawi Kut 2023- tun thla July 27-28 ah hian Dawrpui Multipurpose Centre-ah Mizo Zaimi Inzawmkhawm (MZI) leh Art & Culture Deptt. tangkawpin a buatsaih dawn a. NE state hrang hrang atanga zai tur mimal leh band te bakah NE state hrang hrang cultural troupe te pawh biak fel an ni tawh.
Zoawi Kut hi July ni 27, 2023, chawhnu dar 2-ah Chief Minister Zoramthanga'n a hawng dawn a, zan dar 9 thlengin NE state hrang hranga mimal zaithiam leh band tha tak tak te, hnam lam chi hrang hrang te nen hun hman a ni ang.
Kut hman chhungin a hmunah ei leh in chi hrang hrang zawrhna food stall a awm dawn a, thil dang chi hrang hrang zawrhna stall a awm dawn bawk.
July ni 28, 2023 -ah Zoawi Kut hi chhunzawm a ni ang a, Art & Culture Minister R Lalzirliana'n a telpui ve thung ang. Mizoram leh tate dang atanga zaithiam tak tak te leh hnam lam thiam tak tak te an inlan leh dawn a, hemi ni vek zan lamah Kut khar a ni ang.
Zoawi Kut hi Zonet leh LPS bakah AIR, Aizawl station atanga live-a pekchhuah tura ruahman a ni a. A hmuna chhim turin a buatsaihtute chuan mi zawng zawng an sawm bawk.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: