_I kaltlang mek paltlang dan tur_
— Rick Warren
— July 5, 2023
“LALPA chuan thinlung lungchhiate chu a hnaih thin a, Rilrua inchhir apiangte chu a chhandam thin.” Sam 34:18
Hringnunah chuan kan beisei loh thilte a lo thleng thin a. Ṭhenkhat chuan midang nun an tibuai a. Inchirhtheh duhna thinking hial te an pu ṭhin.
I khawvel a tlukchhiat changin engtin nge i awm? Phone call chhan chakawmloh tak a lo thlen chang te? Inṭhenna lehkha a lo thlen chang te? Sum leh paiah i tlakchham chang te?
Mi tam tak zawhna hmasa chu, “Tu in nge min ngaihsak?”
Isua kha thah a nih hnu khan, a zirtirte kha an inkharkhip veka, a chhan chu Isua krawsa khengbettu Juda hruaitute kha an hlau a ni. Zirtirte chu khawhar takin an awm a, chuvang chuan thil duhawmlo tak lo thleng turah an ngai a ni.
Mahse thil zawng zawng thlak danglamtu thil thleng a awm a: “Isua an zingah a lo ding a, an hnenah, “In chungah thlamuanna awm rawh se,” a ti a. Tin, chu chu a sawi zawh chuan a kut leh a nak an hnenah a entir a. Tin, Lalpa chu an hmuh chuan zirtirte chu an lawm ta a.” (Johana 20:19-20).
Chawplehchilhin a danglamna a lo thleng a. Krista a tel ve avang chuan an thlabarna chu hlimnaah a chang a, an hlauhna chu lawmnaah a chang ta a ni.
I nuna thil thleng engkimah, a ṭha ber aṭanga a chhe ber thlengin, Pathianin a awmpui che. A ngaihsak che a. Hun harsaah pawh malin i awm lo vang. Diktak chuan, Pathianin i natchang hian a hnaih lehzual ṭhin che a ni.
He thu hi a hrilh che a, “Tuite in dai kai lai pawhin kei in hnênah ka awm ang a; luite in dai kai lai pawhin a chim pil lo vang che u: meia in kal tlâng lai pawhin in kang lo vang a; meialhin a tialh hek lo vang che u.” (Isaia 43:2).
Vawiinah hian natna i tuar em? Hetihian i zawt a, “Tuin nge min ngaihsak?” Tu man an ngaihsaklo vang che tih i hlau em? Pathianin a ngaihsak che tih i hriat chuan hahdam takin i chawl thei ang. A kalsan ngai lo che a. I kiangah a awm reng a. Engtiklai pawhin a awmpui che a. Malin i awmlo vang!
Kristan remna a rawn thlena vawiin hian ring la, tem chhin ve rawh.
Ngaihtuah zui atan
* I nuna thil zawng zawng a chhiat vek lai kha engtik nge? Engtin nge Pathian a tel a ni tih i hriat theih?
* Pathiana inrintawkna chuan engtin nge hahchawlhna kawngah a puih che?
* Harsatna i tawhnaah Pathian a awm a ni tih hriattirnawn turin engvangin nge midang i mamawh? Vawiinah hian tute nge Pathianin a ngaihsak ani tih hriattirnawn ngai?
*Vawiin hian Isua i zui ang em?*
Pathianin a ṭhatzia chu a Fapa Isua Krista kaltlangin a lo nemnghet tawh a. Bible chuan, “Pathianin khawvel a hmangaih em em a, chutichuan a Fapa mal neih chhun a pe a, amah chu tupawh a ring apiang an boral loh va, chatuana nunna an neih zawk nan” a ti. (Johana 3:16).
Pathian thutiam chatuana nunna chu chang turin i inpeih em? I inpeih anih chuan, hetiang hian ṭawngṭai rawh le:
“Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che. Isua hmingin ka dil a che. Amen”
Isua vuan tura i ṭawngṭai thei a nih chuan, khawngaihin Rick@PastorRick.com ah hian email min lo thawn la. Isua nena zinkawng i zawhṭanna atana pawimawh te a thlawnin ka lo thawn ang che.
*[Lettu: Sangpuia]*
Post a Comment
He post chungchanga i ngaihdan lo sawi ve rawh: