Aizawl | July 7, 2023: Vawiin July 7, 2023 khan MZP leh MSU huaihawtin Mizo thalaite leh zirlaite chu Mizoram Assembly Secretariat hna lak dan duh loh avanga hna lak cancel ngiatin lungawi lohna lantirin Assembly House tual-ah an pungkhawm a, he lungawi lohna hi karleh July 10, 2023 (Thawhtanni) hian chhunzawm leh an tum.
.jpg)
MZP leh MSU chuan thuchhuah inṭawm siamin, "Vawiina lungawi lohna lantir lai hian Mizoram Assembly Secretariat Commissioner & Secretary leh official dangte chu zirlai pawl ngenna zah lovin a rukin pisa an kai lui tih hriat a ni a, zirlai hruaitute hian zawldawh takin an haw tir a, he thil hi zirlaite, thalai hna zawng mekte leh zirlai pawl zah lohna a nih avangin zirlai pawl hruaitute chuan na kan tiin thinrimthlak kan ti hle a, thleng nawn tawh lo turin kan duh a, a thleng nawn leh a nih chuan a tul anga hmalak tum a ni." an ti.
Vawiin-a Zirlaite punkhawm lai hian Chief Minister Pu Zoramthanga chuan zirlai hruaitute chu amah hmu tura a ngen angin an hmu a. Zirtlaite lungawi lohna te ziaka thlen tura min ngen angin ziakin zirlai pawl duh dante an thlen. Vawiin vek, tlai dar 3 khan MZP Conference Hall-ah thukhawm lehin, hmalak zel dan tur an sawiho a, tha thlah lova hmalak zel tumin, Zirlai pawl duh dan anga he hna lak hi cancel a nih hma chuan lungawi lohna hi lantir chhunzawm zel an tum a, kawng zawh leh total bandh thlenga hmalak an tum niin an thuchhuah chuan a tarlang.
Zirlai pawl chuan, July 10, 2023 Thawhtanni zing dar 8:30 hian Assembly House kawt-ah punkhawm leha rel a, Zirlaite leh thalai hna zawng mekte kim kala kal turin a sawm a ni.
Vawiin hna lak cancel phuta punkhawm-ah hian heng a hnuaia resolution pathumte hi an pass a ni:
1. Mizoram Legislative Assembly Secretariat hna lak hi cancel ni rawh se.
2. Mizoram Legislative Assembly Secretariat recruitment rules thar hnuaiah hna lak thar ni rawh se.
3. Mizoram Legislative Assembly Secretariat hnalak hi cancel a nih hma chuan hmalakna hi chhunzawm zel a ni ang.
Mizoram Legislative Assembly, Secretariat hna lak (Assistant -1, Translator – 1, UDC – 1, LDC – 8) ah hian thawktu mi 11 lakah mi pakua chu Speaker leh Commissioner & Secretary te vua leh vangte an ni a, Speaker leh Commissioner & Secretary te vua leh vang hriat theih chin, MZP leh MSU thuchhuahin a tarlante chu heng a hnuaia mite hi an ni:
1. Translator:
Lalramliani Sailo, Bethlehem Veng (Assembly Commissioner hlui Ngurthanzuala Sailo fanu)
2. Assistant:
Melissa Lalremruati, D/o Vanlalruata, Kulikawn Aizawl (Speaker Monu)
3. UDC:
Samuel Lalremruata Zote, Chanmari Aizawl (Commissioner & Secretary nilai Pu Lalhmahruaia Zote Fapa)
4. LDC:
a. Christina Lalhmunmawii d/o Lallura Sailo, Republic Hmar Veng (Speaker PS Nau)
b. Vanlalruati Sailo, Tuikhuahtlang (Speaker Pu Lalrinliana Sailo fanu)
c. Lalmuankima Sailo S/o Saihlira Sailo, Serchhip Venglai (Speaker PA nilai)
d. Lalhmangaihzuali Khawlhring, Upper Republic (Speaker thianpa K Lalnghakliana fanu)
e. H Rebecca VL Ruatsangi, D/o HK Zaliana. (Speaker tunu)
f. K Lalhruaitluanga S/o K Laldinthara, Tuikual South (Speaker Campaigner)
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: