MZP inter HSS Volleyball Tournament 2023 ni hnihna zo; naktukah semi final khel dawn

Aizawl | June 20, 2023: MZP inter HSS Volleyball Tournament 2023 chu vawiin khan a ni hnihna khelh a ni a, naktukah semi final khel a ni dawn.

Live na: https://www.youtube.com/@exploremizoram

Semi Final khelh hma hian, Quarter final match khat khelh a la awm thung dawn a ni.

Vawiin MATCH RESULT (Update)

20.06.2023 :

1. Khawzawl HSS 2 - 1 Govt KM HSS (Girls)

2. Khawzawl HSS 2 -1 St. Joseph HSS (Boys)

3. Lungdai HSS 1 - 2 Govt Mamawii HSS (BOYS)

4. Staines Memorial School 2 -1 Govt JL (Boys)

5. Govt JL HSS 2 - 0 Tlungvel HSS ( GIRLS )

6. Khawbung HSS 0 - 2 St.Joseph HSS (GIRLS)*

7. Central HSS 2 - 0 Marcus School of Edn (BOYS)

8. Govt KM HSS 2 - 0 Khawzawl (BOYS)

9. Tlungvel HSS 2 - 0 Khawbung HSS (BOYS)

Vawiina khelh tura duan lawk sa, (Govt. Mamawii HSS vs Staines Memorial HSS) chu an khelh hman loh avangin naktukah match hmsa berah an khel dawn a ni.

MZP inter HSS Volleyball Tournament 2023 hi June 22 hian a tawp khar tura ruahman a ni.

Tarlan tawh angin, MZP Inter Higher Secondary School Volleyball Tournament 2023-ah hian Aizawl khawpui chhung atangin sikul 11; Govt Central HSS, St. Joseph HSS, Govt KM HSS, St. Pauls HSS, JL HSS, Greenland HSS, Oxford HSS, Staines Memorial School, Marcus School of Education, Govt Mamawii HSS, Springfield HSS bakah Aizawl khawpui pawn atangin Khawbung HSS, Khawzawl HSS, Lungdai HSS, Sesawng HSS, Tlungvel HSS, leh Thingsulthliah HSS te an tel a ni.

Springfield HSS hian Mipa team an nei lova, Govt Central HSS College Veng, Staines Memorial School Chanmari, Marcus School of Education, Govt Mamawii HSS Mission Veng leh Lungdai HSS Lungdai te'n hmeichhe team an nei lo thung.