Aizawl | June 7, 2023: MZP General headquarters, Aizawl chuan vawiin khan NIT Mizoram Director Prof S Sundar hmuin NIT Mizoram-a hna lakah a ram leilungfate duhsak turin an ngen.
Thudawnnain a tarlan danin, Director chuan, a theih ang anga MZP ngenna a ngaihpawimawh tur thu lo sawiin, Non Teaching Staff-ah 83% Mizo an nih thu leh, Teaching Staff-ah pawh qualified dil an awm chuan, duhsak a tum thu a lo sawi.
MZP aiawh hian MZP Assistant General Secretary Pu Chinkhanmanga Thomte leh Secretary i/c Education Pu F Lalduhkima te an kal a, ngenna hi ziakin director hnenah hian an thlen a ni.
MZP hian Mizoram chhunga hna lak hrang hrangah leh MZU hnuaia hna lakah te ram leilungfa duhsak turin a lo ngen tawh thin a. Mizoram chhunga hna lakah a tling leh tlak-ah ram leilungfate duhsak an nih theih nan hian hma a lo la tawh thin a ni.
National Institute of Technology Mizoram (NIT Mizoram, or NITMZ) hi India rama NIT 31 zing pakhat niiin, 2010 khan Aizawl-ah in/hmun luahin bul tan a ni.
NIT Mizoram hian Chaltlang-ah Administrative block pakhat leh Academic block 4 neiin an kal mek a, Hostel hi tanhril-ah 3 leh Durtlang-ah 1 an nei mek a ni. An Campus hlun tur hi Lengpui-ah a awm thung a ni.
NIT Mizoram atanga zir chhuakte hi Airports Authority of India, telecom, Power grid, Byjus, Microsolf bakah Software company hrang hrang, NIT hrang hrang, IIT hrang hrang leh Govt Zirtiri Residential College a thawk tawhte an awm a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: