Mizoram DGP thar atan Anil Shukla ruat

Aizawl | June 9, 2023: India sawrkar chuan AGMUT cadre IPS officer te awmna vawiin tlai lam khan a thlak danglam a, Anil Shukla chu Mizoram DGP thar atan a ruat.


B Srinivasan - kum 2018 ațanga Jammu and Kashmir police CID wing hotu ni tawh chu Puducherry DGP ah dah a ni. Andaman and Nicobar Islands DGP  Anil Shukla chu DGP Mizoram atan sawn a ni bawk. 

Mizoram DGP ni mek Devesh Chandra Shrivastava chu DGP of Andaman and Nicobar Islands ah sawn a thung. DGP ni mek  Neeraj Thakur chu  Delhi ah sawn a ni bawk. Puducherry DGP Manoj Kumar Lal pawh Delhi ah tho sawn a ni. 

Anand Mohan IPS officer kum  1994 batch chu DGP Arunachal Pradesh ah dah a ni a, Satish Golcha a thlak ang a, ani pawh hi Delhi ah sawn a ni.

Mizoram DGP thar tur Anil Shukla IPS officer hi kum 1996 batch IPS, AGMUT cadre a ni. National Investigation Agency ah pawh hun engemaw chen lo awm tawh a ni. Hnu chhuina  (investigations) lamah tawn hriat lehbsulhnu tam tak a nei tawh a ni. 

-  Huna Kawlvawm






Share it with your friends!
 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )



Post a Comment

He post chungchanga i ngaihdan lo sawi ve rawh:

Previous Post Next Post