Aizawl | June 12, 2023: Mizo kristian film 'Awma ka ni' chu tun thla tawp lam hian tihchhuah mai theih tura buatsaih mek a ni.
Thudawnnain a tarlan danin, He Mizo kristian film, 'Awma ka ni' hi June 30 hian tlangzarh tum a ni a, a hmun tur erawh a la chiang lo thung.
'Awma ka ni'-ah Mizo film lama sulhnu lo nei tawh PC Lallawmzuali, Instagram reels video leh a lam vanga mi lawm hlawh Nancy Lalremruati bakah Vanlalrinchhani, Jonathan Lalpeksanga leh Vanlalawmpuia te an inlan dawn a ni.
EXPLOREMIZORAM.COM in thu a dawn danin, He film darkar 2:30 a thui hi, a taka thil thleng behchhana thawnthu duan hmanga siam a ni a. Hmeichhe pakhat harsatna leh vanduaina chi hrang hrang a nuna a tawh nasat lutuk avanga Pathian awm ring lova Pathian laka vui thin chanchin a ni.
A thawnthu hi Kum 2020 khan buaipui tawh niin, Hun harsa tak tak an paltlangpui hnu-ah Budget mumal lo tak karah mahni insengin an puitlin thei ta niin EXPLOREMIZORAM.COM chuan thu a dawng.
Hun harsat paltlang tih takah a changtute an inthlak zing hle niin he film director chuan EXPLOREMIZORAM.COM a hrilh.
Producer hi Zothanpuia Sailo niin, Director & Script ziaktu hi Vanlalawmpuia (Opix Renthlei) a ni a, Director of Photography hi Mart khiangte niin, a changtunu PC Lallawmzuali hi Assistant Director a ni bawk a ni!
He film hi sum tuak nana chhuah duh tan a siamtu lamah ngaihven theih niin, EXPLOREMIZORAM.COM chuan thu a dawng.
Mipui nawlpui en theih tura an chhuah dawn bakah OTT-ah dah an tum bawk niin he film director hian EXPLOREMIZORAM.COM a hrilh.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: