MBSE hnuaia HSLC & HSSLC result chhuaka Mizo Zirlai ti thate Central YMA in chawimawi:

Aizawl | June 9, 2022: Central YMA chuan Vawiin June Ni 9, 2023 (Zirtawpni) chawhnu dar 2:00 khan kumina MBSE hnuaia HSLC leh HSSLC Exam result chhuak a Mizo zirlai Top Ten a tlingte lawmpuina leh chawimawina hun chu Central YMA Hall, Tuikhuahtlangah a hmang.

He hun hi Pu Lalhmachhuana, Vice President, Central YMA chuan a kaihruaiin, President Pu R Lalngheta’n lawmpuina thu a sawi a, Pi Elvina Lalmuanpuii Leivon, IA&AS Deputy Accountant General chuan Zirlai titha chawimawite hnenah fuihna thuchah a sawi bawk.

Central YMA chuan zirlaite chu an thiamna leh theihnate ram leh hnam tan hmang zel turin duhsakna a hlan a. Zirlai chawimawite hi pawisa fai leh chawimawina thuziak pek an ni.

Zirlaite chawimawite hi HSLC atangin mi 14, HSSLC (Arts) atangin 14, HSSLC (Science) atangin 11 leh HSSLC (Commerce) atangin 13 niin an vaiin mi 52 an ni.

Central YMA chuan he programme hlawhtlin nana sum thawhtu Pu V Lalbiakzama, Pu Chhuantea, Tlangnuam leh Pi Seni Jahau te chungah lawmthu a sawi a. He programme hlawhtlin nana thawktu Central YMA hnuai a Education Sub-Committee bawkah Reception, Ushering leh Refreshment lam buaipuitu Vaivakawn Branch YMA te chungah lawmthu a sawi a ni.