Aizawl | June 15, 2023: Manipur tualchhung buaina avanga Zofate tawrhna chungchangah vawiin June 15, 2023 chawhnu dar 1 khan MZP Pisa Pui-ah Mizo Zirlai Pawl (MZP) General headquarters, Aizawl hruaitute leh All Mizoram Manipuri Association (AMMA) hruaitute nen inkawmhona an nei.
He hun hi MZP President Pu Lalnunmawia Pautu chuan a kaihruai a, AMMA hruaitute hi an President Wahengbam Gopeshore hovin hruaitu 6 an tel a. AMMA ten June 14-a Mizoram Larsap kaltlanga India President hnena an thu thlente an sawifiah a, pawl pahnih hmalakna te ngaihthlak a ni.
MZP leh AMMA chuan Manipur buaina avanga Zofate tawrhna chu sutkian a nih theih nan Meitei hruaitute’n theihtawp chhuahin hma la se; hemi chungchangah hian Union Home Minister leh Manipur Chief Minister hmuin sawipui se tih a ni.
MZP President chuan, “Nangni Mizoram-ah zalen taka in awm laia Manipur-a Kan unaute tawrhna hi en liam mai mai harsa kan ti a. Thil tha zawk a thlen theih nan hma in lak loh chuan in chungah a chhe ber pawh thleng thei a ni,” a ti a. “Manipur Zofate chunga thil thleng ang hi in chungah thleng ve se in duh a nih loh chuan a rang lamin buaina a reh theih nan hma in lak a ngai,” tiin, “in hmalakna kan enzui zel ang,” a ti bawk.
He inkawmhona hian Manipur-a Zofate tawrhna a reh theih nana All Mizoram Manipuri Association hmalakna leh hmalak dante chu hun remchang hmasa bera thlirho leh turin thu an dah a ni.
Scan Here to Donate!
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: