Aizawl | June 2, 2023: Central YMA chuan thuchhuah siamin, Manipur buaina avanga Mizorama rawn raltlan - Chhung leh khat belh tur nei lo, baihvai taka lo thlengte tan sawrkar-in ruahmanna mumal a siam fel hma chu Central YMA Hall hi Transit Camp atan an buatsaih dawn thu a tarlang.
Thuchhuah ang chuan, Manipur tualchhung buaina vanga harsatna tawk, nunau mangang Mizorama sahimna zawnga rawn raltlante chungchang a ngaihtuah a. Mi engemawzatin Mizoram an rawn lut tawhin, an la rawn luh belh zel a. Chhung leh khat belh tur nei lo, baihvai taka lo thlengte tan sawrkar-in ruahmanna mumal a siam fel hma chu Central YMA Hall hi Transit Camp-ah buatsaih nise a ti.
A lo dawnsawn kawngah mawhphurtu tur CEC member atangin a ruat nghal a, heng Mobile Number 9862162361, 8132841290- ah te hian in report theih a ni ang.
Raltlan dawnsawn kawngah Central YMA Hall a leng lo tan Aizawl khawpui chhung Branch YMA thenkhatte pawh a tul anga lo inring turin Central YMA chuan a ngen a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: