Aizawl | June 11, 2023: Harsatna an tawh vanga an examna hmun tur an thlen dawn loh hnuah, CUET exam centre sawn nana hmaan lakpui avangin Higher & Technical Education minister leh MZP chungah zirlaite lawm!
PUC Statistics deptt zirlaitw chuan an instagram account-ah post siamin, "Kan beisei ngam loh leh kan ngaihtuah ngam loh kan CUET Exam centre sawn chu Cabinet Minister zahawm tak Dr. R. Lalthangliana leh MZP hruaitute vangin a hlawhtlinna hmel kan hmu thei a. Lawmthu kan sawi e." an ti.
PUC Statistics zirlaite chuan, June ni 7 khan Guwahati atangin train-a Dibrugarh pan tumin kan chhuak a. Kan train hi dar 9:15am chhuak a ni a, mahse kan train chu darkar 9 ngawta delay a ni tih kan han hre lehzel a, rilru a mumallo nuai tawh a. Kan exam na hmun tur Dibrugarh pawh kan thlen hman dawnloh avangin rilru beidawng takin kan awm a. Kan beidawng lutuk chuan MZP Gen. Headquarters lam kan han be leh tawp mai a.
MZP President chu kan buaina te hrilhin hma min lakpui turin kan han ngen tawp mai a. Theihtawpa hma min lakpuiin Cabinet Minister, Higher and Technical Education Department changtu Dr. R. Lalthangliana bulah kan harsatnate min thlensakin theihtawpin hma an la a. MZP leh kan Cabinet Minister zahawm tak tangkawpin National Testing Agency (NTA) lam min contact sak a, Exam Centre min sawnsak turin min ngensak a. Keiniin thil thleng theilo tura kan ngaih leh contact ngaihna kan hriatloh pawh min biaksak in hma min lakpui zel a kan rilru leh taksa damna min thlen takzet ani." tiin an class instagram account-ah an tarlang.
"Kan beisei ngam loh leh kan ngaihtuah ngam loh kan CUET Exam centre sawn chu Cabinet Minister zahawm tak Dr. R. Lalthangliana leh MZP hruaitute vangin a hlawhtlinna hmel kan hmu thei a. Guwahati, Borjhar ah kan exam Centre min thlak saka, June ni 8 zing dar 8:30 atanga dar 10:30 chhungin exam tha takin kan zo thei a, thinlung takin lawmthu kan sawi ani. Kan lawmna hi thu chuan kan sawichhuak thiamlo a, kan tawngkam thiamna hian a phawrh chhuak zo lo a ni ber e." tiin an sawi a.
"Kan rilru leh kan taksa damna min pe a. Kan lungngai hmel hlim hmela min thlaksaktu kan Cabinet Minister @dr_r_lalthangliana leh @mizo_zirlai_pawl hruaitute chungah kan sawichhuah thiam ve tawk aia nasa in lawmthu kan sawi e." tiin a tawp an khar.
.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: