BIBLE PUMPUI HIAN ISUA A KAWK A NI?

 _Ni 40 chhung Pathian Thuah_

— Rick Warren 

— June 6, 2023

“Mosia leh zawlneite zawng zawng lehkhaah a tan a, Pathian Lehkha zawng zawnga ama chanchin ziak apiang chu anmahni a hrilhfiah zel a.” Luka 24:27

Pathian chauhin Bible hi a remkhawm thei a ni. Bible ah chuan bu 66 a awm a, kum 1,600 chhungin mi 40 in an ziak a – thupui pakhat a nei a ni.

Thupui pakhat chauh a neihna hi Pathian Thu a nih theihna chhan pakhat a ni. Genesis atanga Thupuan thlengin, Bible hi Pathianin mihring a tlanna thu a ni a. Isua chu a changtu ber a ni.  

Bible-in thupui pakhat chauh a neihna hi a makna chu a ni. Mi pakhat kutchhuak chu nise a mak kan ti lemlo ang. Koran chu mi pakhat, Mohhamed-a ziak a ni a. Analects pawh hi Confucius-a ziak a ni a. Buddha Thuziakte pawh Buddha ziak a ni leh a. Mi pakhat kutchhuak chu inang turah kan ngai ve hrim hrim a ni.

Mahse Bible chu mi 40 in, kum inang lo leh hun inang lo tak tak leh khawmualpui hmun thum atangin an ziak a. Chanchin thuhmun vek an ziak a. Isua chanchin an ziak a ni. Zawlnei leh hla phuahtute, sangha mantu leh lalte, berampute leh lehkhaziaktute khan chanchin thuhmun an sawi vek. A then chuan inah te, taninah te leh lunginah te an ziak a ni. Heng aia ziaktu inanglo hi chu i dahkhawm theilo maithei a ni. 

Mahse an thawnthu chu a ngai tho.

Mi 50 hnenah lekha puan ka pe theuh a, tichuan lehkha puan chu ze inanglo nuaiha pawthler turin ka ti a – mahse engatan nge ka hman dawn tih chu ka sawi lawk lo thung. Chung lekha puanho chu lakhawm ila eng nge ka siam i rin le? A then chuan America map ka siam turah min ngai maithei. Chu chu vansang chanchin zirmite rindan a nih ka ring. Nimahsela chutianga ka tih chuan ka tihder emaw an ti dawn a ni.

Chutiang anga mak chu a ni Bible lo inremkhawm dan hi.

Kan rindan chuan Thuthlung Thar hi Isua  chanchin a ni a, Thuthlung Hlui erawh chu Israel chanchin kan ti thin. Mahse chu chu a dik lo. Bible in Luka 24:27 ah, “Mosia leh zawlneite zawng zawng lehkhaah a tan a, Pathian Lehkha zawng zawnga ama chanchin ziak apiang chu anmahni a hrilhfiah zel a,” a ti. Isuan chung Pathian Lehkhaa ama chanchin a hrilhfiah lai khan Thuthlung Hlui chiah a la awm a. Thuthlung Thar phei chu an la ziaklo hrim hrim a ni.

Bible chuan tehkhin thu te, khaikhinna te leh hrilhlawkna te – a tir atanga a tawp thlengin – Pathianin a mite a chhanchhuah dan leh chatuana awm tur chhungkua a buatsaih dan te a awm vek a ni. Chung zawng zawng chu Isua atangin a intan vek a ni. Lehkhabu tinah i hmu thei ang. 

Ngaihtuah zui atan. 

* Bible inhlawmkhawm that bikzia hi chu a mak a ni! Chu thudik chuan engtin nge Bible a ngaihhlut lehzual tir che?

* Bibe hi thu hlawm pakhat lekin sawifiah ngai ta se, engtin nge i sawi ang?  

* Thuthlung Hluiah khawiah nge Isua i hmuh? 

*Bible chuan Isua a kawk a. Vawiin hian amah i zui ve dawn em?*

Bible chuan Fapa Isua kaltlanga Pathian rinna chauhin vanram a luh theih a ti a. Nangma hlawhchhuah theih a ni lo tihna a nih chu. “Rinna avanga khawngaihnaa chhandam inni; nangmahni thawhchhuah a ni lo va, Pathian thilpek a ni; thiltih avang a ni lo ve, chutilochuan miin an chhuang dah ang e.” Ephesi 2 : 8-9. 

I sualna te i puang duh aniha, i nunah Isua i thlang duh anih chuan, heti hian tawngtai ang che.

“Lalpa, thu min tiam angin, Isua ka ring a nih chuan, ka tihsual zawng zawngte min ngaidam dawn a, ka nun awmzia te ka zir ang a, engtikniah emaw chuan i chatuan in nuamah min lo pawm ve ngei dawn a  ni.

“Ka sualnate ka puang a, ka Lalpa leh Chhandamtu atan Isua hi ka pawm e. Isu, i hnung zuia, i rawngbawl ka duh e. Ka nun tlawm tak hi ka hlan che a, i ang chhunga min pawma min chhandam ve turin ka dil a che. Amen”

Hetianga i tawngtai a nih chuan, Rick@PastorRick.com ah hian emai min lo thawn la. Isua nena zinkawng i zawhṭanna atana pawimawh te a thlawnin ka lo thawn ang che.

*[Lettu: Sangpuia]*