THIH HI A HMANHMAWHTHLÂK LOH

byAdmin — 0
- Dr. C. Lalhrekima


Intihhlum tum chhanchhuah hman tâk pakhat nên kan inkâwm a, țanpuitu tùr an awm tih rêng a lo hre lo. Inthlahrung tak chungin, "Hmân deuh khân ka phone no. ka tlângzarh kha i lo hre ve na nge?" ka ti a. A lo hre lo. "Hria ila chu, ka tih hma khân ka rawn be êm êm ang che," a ti a.

Khatia hmâna insit tak chunga ka in-volunteer ve tawp mai kha Pathianin mal a sâwm a. Nunna tam tak Pathianin a chhan chhuak leh a, a hmanrua atân min hmang ve duh kha ka lâwm êm êm a ni. Mahse, biak tuùr hre lo an lo la awm erawh hi chuan hna kan la thawh tam tâwk lohzia min hriat chhuahtîr a nih hi.

Kei tehlul hi mi dangte nunna chhanna hmanrua atân Pathianin min la hman țangkai ve duh tâkin ka WhatsApp number ka'n tlângzarh leh mai teh ang. Mahni intihlum an la awm zêl si a. Biak tùr an hre lo a lo nih tâkin.

Thih duh hial khawpa mangangte chuan 8730978315-ah min rawn WhatsApp teh u.
SMS duh zawk tân 9436142747 a nih kha aw!

(Zawhna ho mai mai, entîr nân, thi neih buai, etc. atân erawh ka ti lem lo. Thih duh, thih châk, mangangte tân bîk aw.
Min rawn call lo hrâm tùrin ka ngên che u a. Call lâk hman loh châng a tam si, call lâk si loh khân beidawnna a tizual palh ang e. WhatsApp/ SMS pawh khawh reng hman kan nih loh avângin kan chhâng har deuh țhîn. Ka chhânna chu dawhthei takin lo nghâk ve thung ula, ka hman vêleh ka chhâng ngei ang che u.
Mi pakhat mangang tak nên kan inbiak mêk laiin ka chaw ei a hun a, ka eisan a. Ka chaw ei chhûng pawh min nghâk zo ta lo a nih chu! Êm êma na!
Dawhthei taka nghah hi a hlâwk fo.
Thih hi a hmanhmawhthlâk loh e!
(A mamawhten an țangkaipui theih nân he thu hi theh darh ka remti e. ~ Author)



Share it with your friends!
 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

Tags:

Post a Comment

He post chungchanga i ngaihdan lo sawi ve rawh:

Post a Comment

He post chungchanga i ngaihdan lo sawi ve rawh:

Previous Post Next Post