Aizawl | May 25, 2023: Rajya Sabha MP Pu K. Vanlalvena chuan sawrkar hriatpui damlo emergency te Lengpui Airport-a tumpui theih loh chung changah Central Aviation lam hotu a dawr a, rei lo te ah sawrkar hriatpui damlo emergency hruai ngaite tan thu lawmawm an hre thuai tura a ngaih thu a sawi.
He thu hi vawiina Gov't Lengpui High School kum 50 (Golden Jubilee) tlin lawmna hun a hmanpuinaah Pu K. Vanlalvena hian a sawi a. Pu K. Vanlalvena chuan damlo Emergency te Lengpui Airport-a tumpui theih loh chungchangah Central Aviation lam hotute Principal Consultant (Aviation wing) Pu J. Lalhmingliana nena an zuk dawr thu sawiin, hetianga Airport pali (4) dah zingah Lengpui Airport a lo tel a thu leh dilna te an siam angin rei lo te ah damlo emergency hruai ngai, sorkarin a hriatpuite tan thu lawmawm a awm an beisei thu a sawi a ni.
NIT chungchang pawh sawiin Pu K. Vanlalvena chuan cheng vaibelchhe 700 senna tur NIT Lengpui rama sak mek chu tunah cheng Vbc 300 vel an hmang tawh a. Mahse a nih tur anga an sak loh avangin Complaint a theh lut a, tunah chuan Director fel tak dah a ni tawh a, forest clearance tih fel loh avanga buai pawh department hotute nen Director General-ah an ti fel ta a, rei lo te ah NIT building tha tak an neih thuai a beiseiawm a ni, a ti.
- AIR AIzawl
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: