Aizawl | May 25, 2023: One Nation One Ration Card hnuaiah Mizorama raltlan lo lut te pawh an ration quota pangngai an bulhnai Fair Price Shop ah an la thei tih Mizoram sorkar thuchhuah in a tarlang.
India sawrkar chuan One Nation One Ration Card programme state tin te kalpui tura thu a pek tawh chungchangah Food, Civil Supplies & Consumer Affairs Department chuan Mizoram chhunga Buhfai semtu (retailer) te zawm tur thupek a chhuah.
Thuchhuaha tarlan danin sorkar laipuia Ministry of Consumer Affairs, Food & Public Distribution, Department of Food & Public Distribution, thuchhuak angin One Nation One Ration Card (ONORC) programme hnuaiah migrant NFSA hamthatna dawngtu - AAY & PHH te'n India ram khawi hmunah pawh an ration buhfai an la thei tawh a. Hemi atan hian retailer te'n buhfai an mamawh belh anih chuan an ePoS device hmangin an mamawh belh zat an thlen tur a ni.
Sorkar thuchhuah chuan ONORC hnuaia ration lak hi Central Sawrkar chuan a tam thei ang ber nei turin state tin te a nawr nasa hle a ti a. Hetiang a lo nih tak avang hian tuna Mizorama raltlan lo lut te pawh an ration quota pangngai chan lovin an bulhnai Fair Price Shop (Retailer) ah an la thei a. Hei hi FPS Dealers (Retailer) te'n an lo hnar tur a ni lova, an ration card an lo dil kher tur a ni lo bawk a. Hamthatna dawngtuten an Ration Card number emaw Aadhaar number an hriat chuan a tawk mai a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: