MZP leh MCA buatsaih 10th Inter School Chess Championship 2023 a hmawr bawk ta!

Aizawl | May 31, 2023: Mizo Zirlai Pawl (MZP) leh Mizoram Chess Association (MCA) ṭangkawpin an buatsaih 10th Inter School Chess Championship 2023 chu vawiin khan Synod Conference Centre, Aizawl-ah a hmawr bawk a ni a, MLA, Human Resources Development Board vice Chairman Pu L Thangmawia'n khuallian niin a hmanpui.


10th Inter School Chess Championship 2023 kharna inkhawm hi MCA President Pu Er. Lalchhuana'n a kaihruai a, MZP General Secretary Pu Jacob Lalmuanpuia'n 10th Inter School Chess Championship 2023 report a pe.

Ni hnih awh 10th Inter School Chess Championship 2023-ah hian sikul 29 aṭangin zirlai 584 an tel a, heng zirlaite hi Primary School zirlai 71, Middle School aṭangin zirlai 279 High School zirlai 182 leh Higher Secondary School zirlai 52 an ni.

10th Inter School Chess Championship 2023 hi nimin khan ṭan tawh a ni a, 10th Inter School Chess Championship 2023 ah hian lawmman pawisa fai bakah Certificate te hlan an ni a. Mimal leh school tan lawmman ṭha tak a awm a, school tel zawng zawngte hi Certificate of Appreciation / Participation Certificate pek theuh an ni bawk.

MZP Vice President Pu Andrew F Lalramnghaka chuan thusawiin, "MZP chu zirlaite tana ding a ni a, harsatna nei zirlaite chuan MZP hi lo bel ula, in tan kan ding zel ang," a ti a. "Mizo zirlaite hmakhaw ngaiin, Mizo zirlaite tan MZP-in a thlawna Computer zirna a buatsaih thu sawiin, he hamthatna hi a hmang ṭangkaitu ni ṭheuh turin zirlaite chu a sawm bawk.


MCA Sr. Vice President Dr Lalhmuchhuaka'n thu sawiin, "Chess hi thluak sawizawina a nih zia sawiin, Chess in thiam chuan in zirlaiah pawh in thiam ang," a ti a. "Rilru fim tak nen Ruihhlo tel lovin Chess hi khel zel ula. A thiam duh tak tak te chu zirtir turin kan inhawng reng bawk a ni," a ti bawk.

Khuallian Pu L Thangmawia chuan, Chess hi thluak sawizawina a nih avangin hringnun inzirna atan a pawimawh," a ti a. "zirna atan pawh a ṭha hle," tiin, "zirlaite hun awl hnawhkhahna tur ṭha hi kan ngaihtuah zel a pawimawh," a ti bawk.

Pu L Thangmawia chuan, "Mizoram A zirna 90% chuang hi Khawtlangin tlawmngaia an din, loh theih loha sawrkarin a lak a ni deuh vek," a ti a, sawrkar hian zirna a ngaipawimawh a, zirtirtu 1,019 lak belhna tur Crore 15 dah belh a nih thu a sawi bawk.

Khuallian chuan, Zirna veipuitu ni zel turin kalkhawmte a sawm bawk.



Result:
Primary Section
School
1. Mary Mount School
2. Rosebud School
3. Govt Reiek Primary School -I
Individual
1. Pius Muanzuala, Mary Mount School
2. Emmanuel Vanlalhmangaiha, Rosebud School
3. Anthony Lalmuanpuia, Mary Mount School
Best Girl C. Vanlalhriatpuii, Govt Reiek Primary School



Middle Section
School
1. Rosebud School
2. Mary Mount
3. St Mary School
Individual
1. Johnson Zoremthara, Mary Mount.
2. Eric C Lalhruaitluanga, Rosebud
3. C. Lalmuanzuala, St Marys School
• Best Girl Lalruatmawii, Rosebud School

High School:
School
1. Rosebud School
2. St Pauls Higher Secondary School
3. Synod Higher Secondary School

Individual
1. Achilles Zorammawia, Rosebud School
2. Moses Lalchhanchhuaha, Rosebud School
3. Alfred Lalchhanhima, Synod Higher Secondary School

• Best Girl ~ R. Vanlalngaihawmi, St Pauls Higher Secondary School



Higher Secondary  School
1. St Pauls Higher Secondary School
2. Synod Higher Secondary School
3. Sentea Memorial School

Individual
1. John Lalruatkima Tlau, St Pauls Higher Secondary School
2. Lalremmuana, St Pauls Higher Secondary School
3. Philip Lalmuankima, St Pauls Higher Secondary School
• Best Girl ~ Nimika Chakma, St Pauls Higher Secondary School
• Best Participation School ~ St Pauls Higher Secondary School
• Best Discipline  School
English Congregation School

• Youngest Player ~ Javolsie Vanlalhriatrenga, Govt Reiek Primary School






















































Share it with your friends!
 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )






Post a Comment

He post chungchanga i ngaihdan lo sawi ve rawh:

Previous Post Next Post