Aizawl | May 3, 2023: Nimin May ni 2, 2023 chhun dar 12:30-a MZP General Headquarters, Aizawl Extended OB meeting chuan Mizoram chhunga RUSA hnuaia College hrang hranga hmasawnna hna thawh mekte dinhmun a thlir a, RUSA hnuaia College hrang hranga hmasawnna hna thawh mekte hi June 2023 chhung ngeia zo hman vek turin hnathawktute an ngen.
MZP chuan, hemi chungchangah hian Sawrkar thuneitute leh building sak hna thawktute a lo sawipui tawh a. An harsatna hrang hrang leh College hrang hrang zirlaite atanga thu dawnte ngaihtuah a nih hnuin, RUSA Fund hmanga College building sak mek, sak zawh hun tur pel tawhte hi June 2023 ral hma ngeia sak zawh vek nise, a ti a ni.
RTI hmanga zawhna sawrkarin a chhan danin, RUSA Fund hmanga hna thawh mekte hi March 2023 a zawh hman tura ruahman a ni a. Heng hnate hi Skyridge Construction & Consultancy Services, Aizawl leh SR Tochhawng Traders, Aizawl te’n an thawk a ni.
He thil hi MZP Assembly 2022, Darzo-a neihin a lo rel tawh, “RUSA kaltlanga college hrang hrang sak that/ thawmthat hi a hun taka zawh a nih theih nan hmalak ni rawh se.” tih bawhzuina kal mek a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: