Aizawl | May 23, 2023: MZP General Headquarters, Aizawl chuan, Manipur buaina kal mekah Manipur a Zohnahthlak zirlai pawl leh Community Tribe hrang hrang hruaitute nen a rang lama Joint Meeting neih ngei nise tiin a rel a. Meeting chuan, kan ram, kan hnam kal zel tur thlir chungin Mizorama hna lak leh hamthatna hrang hrangah a tling leh tlak, ram leilung fate ngei lak an nih zel theih nan hmalak a rel bawk.
He thu hi vawiin-a Mizo Zirlai Pawl (MZP) General Headquarters, Aizawl Executive Committee meeting vawi 620-na (2021-2023 termah vawi 17-na) MZP Conference Hall, Aizawl-a neih chuan a rel a. Meeting hi MZP President Pu Lalnunmawia Pautu chuan a kaihruai.
MZP chuan, MZP Federal Council agenda atan, ‘Mizo hnam hrang hrangte hnam ziarang humhim leh kan inhriatpawh lehzual theih nan zirlaibua telh turin MZP-in hmalak ni rawh se,’ tih leh, ‘ZOEST hi kum 2024-ah buatsaih leh ni rawh se,’ te chu chhawp chhuah a ni.
Vawiin chawhnu vek khan Manipur buaina vanga Hnuchham naupang rawn raltlan, Discipleship Making Ministry (DMM) Children Home-a naupang 30, Sawrkar enkawlna hnuaia Berawtlanga Art and Culture building-a awm mekte chu MZP chuan a tlawh a, pawisa fai cheng 5000 bakah an mamawh hrang hrang; Buhfai kg 50, Mizo Bible 35, Hla bu 35, Lalhmachhuana Zofa ziah Thawnthu bu - bu 22, Mutbu 30, Scale - Box 5, Pencil, Pen, Lehkhapuan, Naupang lawm chi hrang hrang, Thawmhnaw tha hnem tak leh ei tur chi hrang hrang an pe a ni.
Discipleship Making Ministry (DMM) Children Home-ah hian Zofa hnam hrang hrang, Mipa naupang-16 leh hmeichhe naupang-14 an vaiin 30 an ni a. An founder Rosaline Kimi leh thawktu dang 2 in an enkawl a. Tunah hian, Mizoram sawrkarin Aizawl DC kaltlangin an enkawl mek a ni.
Naupangte hi Zofa hnam hrang hrang, haw na tur nei tawh lo, hnuchham leh enkawltu nei tawh lo an ni hlawm a. A naupang ber hi kum 5 mi a ni. Hak lai nena lo tlan an nih avangin, mamawh leh tlakchham an ngah hle a ni.
MZP chuan May 20, inrinni khan an awmnaah tlawhin pawisa fai cheng 5000 a lo hlan tawh bawk a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: