Aizawl | May 3, 2023: Mizoram rimawi khawvela hriat hlawh PB Lianhminga, Zoram rimawi khawvel a, a sulhnu chuai leh mai tawhlo tur chu tukin zing dar 4:25 khan kan chân ta, Zoram romawi khawvel tan chuan chânna nasa tak ava ni êm.!! A kalsan, a nupui fanau te leh a chhung leh kua te Lalpan awmpui mawlh teh se.
PB Lianhminga hi Albatross Keyboardist a ni a, mizo rimawi khawvela chuai tawh lo tur a ni.
Pu PB Lianhminga, Dawrpui Vengthar, hun rei tak enkawl a nih hnuin tukin khan Aizawl Hospital-ah a boral a ni. Nizan pawh khan rimawi khawvel mi leh sa ṭhahnem tak chuan Aizawl Hospital hi an pan khawm tawh nghe nghe a ni.
PB Lianhmingthanga (50) hian a nupui - Pi Lalnunpuii leh fate pathum bakah a tute pali a kalsan. Vawiin chhun dar 12 hian vuiliam a ni ang.
An unau hi paruk niin; Zaithiam Rebecca Saimawii, Rallianchhungi (Tetei), PB Lianhminga, PB Lianzuali, PB Liansangzuala, PB Lianmawia (Atea) te an ni.
Sial rangin Sial rang a hring tiin kan pi puten an lo sawi thin a, a lo dik nangiang mai le, PB Lianhminga pa PB Liantluanga hi Mizo musician leh 'Phuloh lenmawi' hla phuahtu a ni.
 |
| PB Liantluanga te hunlai |
PB Lianhminga te unau-a mipate hi zorimawi khawvela mite hriat hlawh, mahni tawka hmingchher thiau, niin, an naupang ber PB Lianmawia (Ate-a) hi Boomerang Vocalist niin, Boomerang Band-in India rampum huap pawh a an tawn san zia chu mi tam takin kan hre ngei ang. VH1-ah hial an zai a awm ve a ni lawm ni? a u chiah PB Liansangzuala hi Magdalene Band member ni bawkin, an upa ber PB Lianhminga hi Albatross Keyboardist a ni bawk.
PB Liantluanga fate zinga upa ber PB Lianhminga ngat phei hi chu zo rimawi khawvelah hian a thawh hlawk hle a, Vanlalsailova lengzem audio album lar takte kha a kut chhuak anga sawi theih a ni hial mai. Kha album a hla pathum tih chauh loh chu PB Lianhminga music track siam vek an ni nghe nghe. BD-a hla phuah ‘Lungrun’ tih hla Elizabeth Zodinpuii sak music track kha a kutchhuak a ni bawk a, C. Sanga hla hi a music track siam deuh vek anni bawk. Liandingpuii audio album, Mizo leh english te kha a kutchhuak deuh vek anni bawk a, Joseph Zaihmingthanga audio album ah te kutchhuak a ngah ber bawk a ni. HC Sanglura hla phuah, ‘A mak mang e’ tih hla Lalrindiki Khiangte leh Lalngengpuii tochhawng ten mawi taka an sak a, Lalrindik khiangte music track zawk hi PB Lianhminga kut chhuak a ni bawk. A thawh hlawk hle.
Share it with your friends!
[Subscribe telegram channel for updates- https://t.me/exploremizoramchannel ]
(Feedback at: admin@exploremizoram.com )
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: