ISUA NENA LENGDUN PAHIN ZAIDAM ZIR RAWH

  _Malsawmna Dawng Nun Rahbi_

— Rick Warren 

— May 10, 2023

“Nangni thawkrim leh phurrit phur zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang.” Matthaia 11:28-29

Zaidam hi kawng tam takah a pawimawh a ni. Inhnialna a tibang a. Sawiselna a titlem a ni. A duhawm a. Mi a lem a. Hmangaihna a keng tel a ni. 

A pawimawh berah chuan, zaidamna chuan Isua a antir che a ni. Matthaia 11:28-29 ah chuan, “Nangni thawkrim leh phurrit zawng zawngte u, ka hnenah lo kal ula, keiman ka chawlhtir ang che u. Ka nghawngkawl bat ula, ka hnenah zir rawh u; thuhnuairawlh leh rilrua inngaitlawm tak ka nih hi: tichuan, in thlarau tan chawlhna in hmu ang” a ti.

Vawiinah hian i lungngai em? I phur chu ritin i hria em? Hahchawlha thlamuang taka awm i duh em? Hahchawlhna leh thlamuanna chu Isua anna atangin – zaidamna nen neih theih a ni.

Kum 30 chuang liam ta atang khan, nitin hetiang hian ka tawngtai thin a: “Lalpa, Isuan mi dangte a enkawl dan anga ti ve thei turin min pui rawh.” Eng vang nge? Ka mizia hi zaidam mi ka nih loh vang a ni. Chuvangin kan nunah Pathian puihnaa zaidamna ka neih a tul a ni.     

Pathian puihna hmanga zaidam i zir theih dan tur kawng thum te chu:

1. *Miin an puih chein, hrethiamtu ni la, beisei chhunzawm zel suh.*

Sawrkar office-ah emaw coffee dawrah emaw, nangmah pui reng thintute ngaichangtu – hrethiamtu ni ang che.

2. *Mi nena in inhnial pawhin, inpumpek silovin ngaidamtu ni zawk rawh.*

Mi i hnial vak avang khan i thusawi kha a tlang nachhan tur a awm chuang lo. Thudik kal pelin chet tum suh, chu ai chuan zawldawhna leh zaidamna nen mi dang ngaichang zawk rawh.   

3. *Miin an tihlungnih loh chein, dawhthei la, ngaihdan lo siam zung zung suh.*

Ephesi 4:32 ah chuan, “Inkhawngaih tawna lainatna neiin awm ula, Pathianin Kristaa a ngaidam che u ang bawkin inngaidam tawn rawh u” min ti a ni.

Isua nena lengdun chungin heng thil pathumte hi nitin i nunpui zel chuan, Isua i ang tulh tulh anga, i zaidam tulh tulh bawk ang.

Ngaihtuah zui atan. 

* Nghawngkawlte chu rante tan phei chuan leilehna an hnuhna a ni a. Eng vangin nge Isua nghawngkawl hian phurrit ni lovin, chawlhna a lo ken zawk?

* Kei chu zaidam mi ka ni lo tiin chhuanlam i siam thin em? Mi dang kan biangbiak dan atang hian miin eng nge keimahniah an zirchhuah le?  

* Isua i neih hnu leh Thlarau Thianghlim i chan hnu hian i nunah eng nge danglamna awm? Ringtu ila ni lo a nih chuan, vawiin atang hian bul tan tum rawh le.

*Dawhtheihna hi Isua nena inlaichinna rah a ni*

Dawhtheihna hi Thlarau rah a ni a, Pathian Thlarau nangmaha luangliam a ni. Thlarau Thianghlim tel lo chuan dawhtheihna i nei thei lo vang. I nun chu Isua hnena i hlan hma chu Thlarau Thianghlim thiltihtheihna i nei thei lo vang. Bul tan i duh a nih chuan, hetiang hian tawngtai rawh le.

“Lalpa duh tak, misual ka ni tih ka inhria a, chuvang chuan i ngaihdamna ka dil a che. Isua Krista hi i Fapa a ni tih ka ring a. Ka sualna avangin a thi a, thihna hnehin i kai tho leh a ni tih ka hria e. Vawiin aṭang hian ka chhandamtuah ka pawm ta che a, i hnung zui turin ka inpeih e. Ka nun hruai la, i duhzawng ti turin min pui ang che. Isua hmingin ka dil a che. Amen”

Isua vuan tura i ṭawngṭai thei a nih chuan, khawngaihin Rick@PastorRick.com ah hian email min lo thawn la. Isua nena zinkawng i zawhṭanna atana pawimawh te a thlawnin ka lo thawn ang che.

*[Lettu: Sangpuia]*