Home Minister hova meeting-in Manipur atanga raltlante hnar lo a, a tul anga ruahmanna lo siampui rel; Home Minister-in tharum thawh zawnga che lo turin Mizorama Mizo Mipuite ngen

Aizawl | May 6, 2023: Vawiin khan Home Minister Pu Lalchamliana kaihhruaina hnuaiah sawrkar hotuten emergency meeting an nei a, Manipur atanga raltlana lo kalte hnar lo a, a tul anga ruahmanna lo siampui an rel a, Relief Camp siam a ngaih thuta ruahmanna siam lawk tur Committee a din bawk.

He meeting ah hian Home Minister Pu Lalchamliana chuan Manipur-a Zohnahthlakten harsatna nasa tak an tawk a, nunna chan hialte pawh an awm chu pawi a tih thu a sawi a, Manipur-a thil thleng chu Mizoram sawrkarin uluk takin a ngaihven reng a, Mizoram mi leh sa leh Zohnahthlakte an sahimna turin theihtawpa hma lain kawng a dap mek a ni a ti. Hetih rual hian Mizorama cheng Mizo mipuite chu Manipur-a cheng Mizote tan a duhawm lo zawnga nghawng a neih loh nan tharum thawhna lam hawi zawnga che lo turin a ngen bawk.

Vawiina emergency meeting-ah hian Mizoram sawrkar hmalakna tur pawimawh tak takte rel a ni a, chungte chu :-

1. Mizoram mi, Manipur-a la tangkhang lo haw duhte a theih ang anga thlawhna ticket ngaihtuah sak. 

2. Manipur atanga raltlana lo kalte hnar lo a, a tul anga ruahmanna lo siampui.

3. Mamawh huna rokhawlhna a awm loh nan Ngopa, Saitual leh an khaw chhehvela petrol leh diesel te stock that. 

4. A tul hun atana Relief Camp siam a ngaih hun a lo awm takin, ruahmanna siam lawk tura Sub-Committee din. He Sub-Committee hian Camp siamna tur lo ngaihven a, a tul huna siam mai theih turin a lo inring ang. 

Vawiin meeting-ah hian Home Minister bakah Home Commissioner Pu H. Lalengmawia, Principal Secretary, Health & Family Welfare Pi Esther Lalruatkimi, DM&R Secretary Pi K Lalrinzuali leh Police Department-a hotu lute leh sawm bik mi pawimawhte an tel a ni.

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ