Congress thalai-in Thingdawl leh Rengtekawn-a raltlante tlawhin tanpuina hlan

Aizawl | May 25, 2023: Mizoram Pradesh Youth Congress Committee (MPYCC) chuan Thingdawl leh Kolasib Rengtekawn-a Manipur state tualchhung buaina avanga raltlante awmkhawmna hmun tlawhin, ṭanpuina vawiin khan an hlan.

Congress Thalai President Pu Laltawnliana leh a thawhpuite chuan raltlante hi buhfai, dal, alu, neutrela, Silpoulin, inhrukpuan, damdawi chi hrang hrang, toothbrush, toothpaste, sahbawn leh mamawh chi hrang hrang an pe a. Ṭanpuina hlannaah hian MPYCC President Pu Laltawnliana chuan thu sawiin heti khawpa Manipur-a tualchhung buaina nasa a chhuah mêk lai a, Prime Minister berin ngawih a chuh tlat mai hian BJP kaihhruai NDA sorkarah hian India ram a him lohzia a tilang a. India ram Hindu rama siam tumna kal zel hi dan chah a ngai a, BJP kaihhruai NDA zawmtute hi tute nge an nih hriat a hun tawh a ni a ti. 

MPYCC President chuan, India ramah sakhaw hrang hrang vuantute leh hnam hrang hrangte inkarah Congress party chuan inlungrualna a zawng ṭhin a, a zawng mek zel bawk a ti a, tun ṭum Manipur buainaah pawh All India Congress Committee chuan Fact-Finding Team dinin, Manipur state an tlawh a, chuta an hmuhchhuah chu BJP sorkar hian remna leh muanna bakah mipui ten nunphung pangngaia an nun leh theihna turin hma a la tawk lo tih a ni a ti.

Thingdawl VCP Pu TC Lalthangzova hnen atanga thudawn danin, Thingdawl Polytechnic hmunah hian Manipur buai avanga raltan mi 124 an awm mek a, Rengtekawn VCP Pu Lalruatsanga hnen atanga thudawn dan in, Rengtekawn Community Hall-ah hian raltlan mi 123 an awm mek a, Rengtekawn khuaa cheng fintu mi thahnem tak nen tunah hian raltlan mi 236 Rengtekawn-ah hian an awm mek a ni.

- AIR Aizawl 

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ