Aizawl | May 20, 2023: Chief Minister Pu Zoramthanga chuan vawiin chawhnu khan MBSE hnuaia kumin HSLC exam buatsaiha topper Cynthia Lalhlupuii Shangpliang, a bial Aizawl East-I chhung ami ni bawk chu Falkland a chenna inah kalin lawmpuina - citation leh laptop a pe.
Chief Minister chuan state pum a titha ber nih chu thil awlai loh tak a nih laia a bial chhung a mi ngeiin chu dinhmun a chelh chu lawmawm tiin, a nu leh pa te leh khawtlang tak hmingthatna a nih thu a sawi a. A kal zelna turah duhsakna hlan in, taimakna leh tumruhna nen bei chhunzawm zel turin HSLC topper chu a chah a ni. Chief Minister chuan hlawhtlinna chang an awm rualin hlawhchham chang te, mahni inbeisei ang hmuh loh chang te a awm thin thu sawiin, chung ang hunah chuan hnual emaw beidawn mai loh tur a nih thu a sawi bawk.
Chief Minister chuan Beraw tlanga Art & Culture hmunah tun hnai Manipur buaina avanga raltlan te a tlawh bawk a. An mamawhte sawrkar hnenah thlen hreh lo tura chah in tanpuina tangkafai a pe bawk. Art and Culture building-a awm mek te hi an vaiin mi 33, naupang 30 leh enkawltu 3 te an ni. Manipur-a nu leh pa nei enkawltu nei tawhlo chawmna hmun atanga lo kal an ni.
Chief Minister chuan a bial chhunga khawtlang hmalakna pakhat, Falkland a futsal ground sakna tur hmunhma a hna thawh chu a enfiah bawk.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: