Aizawl West Bypass road siam tur chungchang sawiho

Aizawl | May 16, 2023: Chief Minister Pu Zoramthanga hovin Nimin khan CM Conference Hall ah Aizawl West Bypass road siam tur chungchanga ngaihtuah ngai te sawihovin an thukhawm. Revenue Minister Pu Lalruatkima pawh a tel a ni.

He meeting-ah hian Aizawl tlak lam, Sihhmui atanga Muallungthu panna kawng siam tur chungchanga hmalak ngai hrang hrang sawiho a ni. Kawng siam tur hi 44.8 kms bawr vel a thui a ni.

He kawng siam turah hian sawrkar laipui chuan National Highway a nih loh avangin ram compensation pek tur sum a ruahman tel lo a. PWD Secretary hovin kawng in a tan tlang tur ram neitute nen pawh inbiakna a kal mek tawh a ni.

Nimina meeting-ah hian Finance Commissioner leh Planning & Programme Implementation Secretary te, Public Works Department leh Land Revenue and Settlement Department official te an tel a ni.

Share it with your friends!

[Subscribe telegram channel for updates- ]

(Feedback at: )

Post a Comment

He post chungchanga i ngaihdan lo sawi ve rawh:

Previous Post Next Post