Aizawl | April 13, 2023: ZORO chuan vawiin khan thuchhuah siamin, An ram a buai avangin Burma rama kan unaute chuan Mizoram belin Mizoram chhungah an rawn raltlan a, Myanmar a kan unaute hi an rawn raltlan hlim chuan Mizo Mipui, Sorkar leh NGO hrang hrangin theihtawp chhuahin kan lo pui hlawm a, hei hi Zo-Reunification Organisation (ZORO) chuan lawmawm kan ti hle, an ti a.
"kan unau raltlan te lo tuamhlawm tu Mizoram Sorkar leh Mizoram chhung NGO hrang hrang leh Mizo mipuite chungah thinlung takin lawmthu kan sawinawn leh a ni." an ti bawk.
"Kum a lo vei a, kum thum a vei meuh chuan Mizo mipui rilru ah a lo thi tan a, kan Sorkar a ngawi a, NGO hrang hrang ten kan tih theih a tam tawh lo a, kan unau raltlan te hi kan hlamchhiah tan ta a. Burma ram chu a buai zual zel a, kan unau raltlan an lo pung zel a, tanpuina a lut tha tawh lo a, harsatna nasa tak an tawk chho tan ta a ni." tiin ZORO chuan an tarlang bawlk.
Kan unau raltlan ten harsatna an tawk tih hi ZORO chuan a hria a, a theih ang anga chhawmdawl a, tanpui a, hmalak nise a ti a. Raltlan harsatna chungchang leh chhawmdawl dan tur lo ngaihtuah a, lo zirchiang turin a committee a siam a ni. ZORO Refugee committee hmalakna angin ZORO chuan Aizawl leh a chhehvel a raltlan camp hrang hrang Nghalchawm Camp, Sihhmui camp, YHAI camp leh Durtlang camp-ah te tanpuina Buhfai leh chawhmeh chi hrang hrang leh naupang zirna mamawh leh tul dangte pek an ni a, ZORO in tanpuina chi hrang hrang a pek hi cheng nuai hnih (2) chuang man hu a ni. Synod camping Centre a awm raltlan te chu Synod lamin camping centre hman ve an duh tawh avangin an insawn a ngai a, Pu Vanlalmawia In Durtlang Leitan South ah sawn a ni a, Pu Vanlalmawia In hi siam that ngai a ni a, hei hi ZORO chuan a hriatin an awmna tur a siamthat sak a, kan unau raltlan ten awmna an neih phah a ni. Synod camping centre atanga Durtlang a an insawn theih nan hian phungbawm sawm a ni a, hemi atana min puitu thahnem tak an awm a, an chungah ZORO chuan lawmthu an sawi.
Tun dinhmun ah ZORO in a chhinchhiah danah chuan Burma atanga sahimna zawng a Mizoram a rawn raltlan hi Mizoram hmun hrang hrangah mihring 5191 an awm.
Mizoram mipuite, Mizoram Sorkar leh NGO dangte pawh Burma Raltlan harsatna tawk mek ten ei leh in tur an neih theih nan te, tawm hulna tur hmun an neih theih nan theihtawp chhuah turin a ngen a ni.
Mizoram rawn bel tuten harsatna an tawh loh nan ZORO chuan hma a la zel dawn a, harsatna nei chu ZORO General Hqrs, Aizawl a in report zel turin a ngen nghal bawk.
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: