Aizawl | April 21, 2023: MPCC Treasurer, Thorang bialtu MLA leh Congress Legislature Party Leader ni bawk Zodintluanga Ralte chuan vawiin khan MPCC Treasurer a nihna atanga banna a thehlut!
Banna hi vawiin khan MPCC President, Pu Lalsawta hnenah a thehlut a, a banna lehkhaah hian Pu Zodintluanga Ralte chuan, Congress Party chu Committee thu-a kal thin a nih laiin Pu Lalsawta'n MPCC President nihna a chelh hnuah Congress Party innghahna lungphum chu sawi nghin a ni, tiin banna a thehluh-ah hian a inziak.
Tunhmaa Committee-in an rel thin hrang hrangte chu mi pahnih khat thutlukna hmanga siam a ni fo a. Nomination Committee din a nih dawnah pawh member ruat chungchangah amah chu rawn a ni loh bakah tun hnaiah OB dangte pawh rawn lova, Political Affairs Committee member ni lai mekte thiat a, PAC thar siam tum a ni chu thil dik lo a ni a, hetiang thutlukna lian tham siam dawnah pawh rawn an nih ngai loh avangin MPCC Treasurer nihna chu chelh zui zel chi ni-a a hriat loh thu a sawi a. An party chak zawk nan leh inlungrual tlanna atana banna chu thehlut a nih thu Pu Zodintluanga chuan a sawi.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: