Aizawl | April 12, 2023: Young Mizo Association (YMA) rorelna sang ber dawttu, Central Coordination Committee chu Central YMA Hall, Tuikhuahtlangah vawiin Chawhma dar 10:30 khan an thukhawm.
CCC Meeting hi Central YMA President Pu R Lalngheta'n a kaihruai a, CYMA General Secretary Prof Lalnuntluanga'n CCC Meeting hmasa leh vawiin inkara Central YMA hmalakna hrang hrang report a pe a. CCC rorel palaite hian YMA Rorel Inkhawm vawi 3-na, Ni 27.10.2022-a Thingsulthliaha neihin a lo passed tawh bawhzuina hrang hrang thlirletin rel zui ngaite a rel zui a.
YMA Rorel Inkhawm in a lo passed tawh YMA khawih hrang hrang zingah, "YMA General Conference" tih thin chu "YMA Inkhawmpui Lian" tia hming thlak in YMA Dan Bu ennawn (2022) ah pawh dah fel a ni tawh a. "Eirukna leh hlemhletna a reh theih nan Central YMA in hma la rawh se," tih chu hemi kawnga hmalatu tur Committee din a ni.
"Mizoram chhunga Hnam dang hnena inhmun/huan/lo/ram lei leh hralh/hlan chhawn zel a nih loh nan Mizoram chhunga inhmun/huan/lo/ram hralh leh hla chhawn a nih dâwn reng reng in, YMA hriatpuina telh zel a nih theih nan Central YMA in hma la rawh se, " tih pawh chak taka hmalak zui zel nise, Central YMA in Sawrkarah RTI Dan hmangin Mizoram chhunga hmun leh hma te hnam dangin an neih tawh dan zawh chian nise, kan dan hman lai, Revenue Act 2013 pawh chiang zawka zirchian nise tih a ni bawk.
YMA-te chetvelna a hliampui tuar leh nunna chante zangnadawmna leh inralna tur pawh ruahmanna felfai tak siam a ni.
Tin, heng bakah hian YMA khawih thil tam tak rel zui a ni.
Sawrkar khawih zingah, Mizoramin Market Regulations kan neih chu a taka hman a nih theih nana hmalaknate, Mizoram hmun hrang hranga Sawrkar damdawiin te hmanraw tha zawk leh thawktu tam zawkin thuam tha rawh se tih chungchang bakah Mizorama Vocational Course zirna hi tun aia uar zawka kalpui dan turte rel a ni. Tin, Myanmar atanga raltlante, hmun hrang hranga an awm darh lutuk hian harsatna lian zawk min la thlen thei dawna a lan avangin Sawrkar in Relief Camp changtlung zawk siam tur leh chumiah chuan dah vek tura Sawrkar lama chak zawka hma la tura Sawrkar nawr chhunzawm zel nise tih a ni bawk.
YMA Kumpuan, "Ram leh Hnam Humhalh" chungchanga hmalakna hrang hrangte thlir ho a ni a, chak taka hmalak chhunzawm zel tha tih a ni.
Central YMA in "Theka Rate" a siam chu hman a nih theih nan Aizawl Khawpui chhungah hmalak zel nise, Sub Hqtr YMA ten an huam chhung (District) ah theuh an hman turin lo zirchiang ve thuai se tih a ni.
YMA In Khawmpui Lian vawi 74-na, Biatea neih tur hun atana Ni 24-26, October 2023 nise tia CEC in a lo rel chu CCC Meeting chuan lawmawm a ti hle a ni.
Central Coordination Commitee-ah hian Central YMA OB, CEC te bakah Sub Headquarter OB 6 te, Group YMA aiawh mi 2 leh Aizawl khawpui chhung Branch YMA aiawh mi 1 theuhte palai ni thei an ni a. Tun tum CCC ah hian mi 224 laiin ro relin Zarkawt Branch YMA ten hneh taka thlengin zanriah an buatsaih sak bawk a ni.
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: