Aizawl | April 17, 2023: Ram pum huap Gram Panchayat (Village Council) hna thawk tha inelnaah Saitual District-a Ngopa Village Council chu pakhatna a ni.
Ngopa VC te lawmman lak, Nanaji Deshmukh Sarvottam Panchayat Satat Vikas Puraskar hi Ngopa VCP Pu K. Lalremsiama kutah President Droupadi Murmu-i’n vawiin khan New Delhi-ah a hlan a. Lawmman semna hmun Plenary Hall, Vigyan Bhawan-ah hian sawrkar laipuiin a sawm angin LAD Minister Pu K.Lalrinliana pawh a tel a. Sustainable Development Goals chungchanga state sawrkar hmathlir leh chumi tihlawhtling tura hmalakna hrang hrang te sawiin Mizoramin lawmman ropui tak a lak avangin Central sawrkar hnenah lawmthu a sawi a.
Village Council-te enkawltu ber Local Administration Department pawhin Ngopa Village Council ten ram pum huapa Localization of Sustainable Development Goals Theme pakua tihlawhtling tura hma la tha lawmman pakhatna an lak theih nana Rural Development Department leh line Department dangte nena thawhhona tha tak an neih avanga lawmawm an tih thu an sawi.
LAD Minister Pu K. Lalrinliana chuan Ngopa khaw mipuite chu Village Council (Gram Panchayat) tha bera thlan an nih avanga lawmpuina thu a hlan a. Ram pumpuia Village Council Nuai 2 Sing 5 chuang zinga tehfung hrang hranga teh hnua Village Council tha ber an ni thei chu Mizoram-in a chhuang tak zet tih a sawi a. India ram state kilkhawr ber, Panchayati Raj Institution hman ve lohnaah Ngopa khua, khawtlang mipui inlungrual leh thawkrim, khawtlang hruaitu tha leh a ngaihna hria an awm chu ram puma Mizoram hmel lanna, Mizote mawina an ni, a ti a. He lawmman dawn theih nana mipui leh khawtlang hruaitu te, Lengteng bialtu MLA Pu L Thangmawia te, Ngopa leh Saitual District-a sawrkar hnathawk te, LAD hnuaia thawktute zawng zawng thawhrimna a chhuan thu leh hetianga thawhhona tha an nei chu lawmawm a tih thu a sawi a. Ngopa khuain he hlawhtlinna an chang hian Mizoram khaw dang pawh a tiphur hle nia a hriat thu pawh sawiin, lawmman tha tak an dawn theihna tura an hmalakna leh inbuatsaihnaah duhsakna a hlan a ni.
Ngopa VC lawmman lak hian thuziak leh pawisa fai Cheng Nuai 150 a keng.
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: