Aizawl | April 19, 2023: Tukin dar 1:30 vela Lunglei Jail atanga tâng tlan chhuak mi 5-te chu man tuma zawn mek an ni.
Lunglei Dist. Jail Superintendent Pu Zosanga hnen atanga Lungleia kan Cor. thu dawn dan chuan, tukin dar 1:30 vela Jail Duty-in Ward a fan lai chuan tlan chhuak tate hi an la awm vek a, mahse hemi hnu lawk zing dar 2:15 khan an tlanchhuak tih hriat a ni a. Heng tang tlanchhuak te hi Ward No 2-a awm an ni a, Ek in bang Brick rem chu mihring leng tawka tichhiain an chhuak a, Jail hungna Lungbang sang tak chunga thirlen zamah an put chhuak a ni. Jail atanga tlanchhuak an awm tih hriat a nih veleh an theih ang angin an zawng nghal a, khua a lo var chuan Jail hungna hmun 2 atanga tlan chhuak an nih an rin thu sawiin chappal an hmu a, inhliamna hnuhma erawh engmah hmuh a ni lo.
Jail atanga tang tlanchhuak an awm tih hriat a nih veleh Jail Suptd. chuan Lunglei PS-ah FIR a thehlut nghal a, SP leh Addl SP te pawhin Jail hi tlawh nghalin tang tlanchhuak te man an nih theih nan hma an la nghal a ni.
Dist. Jail Sazaikawnah hian Jail hungna hrulah Duty post 7 awmin tun dinhmunah Duty post 3-ah chiah Home Guard duty-tir an ni a. Thawktu indaih loh vangin Duty Post 4 chu dah tawl mai mai a ni a. Jail hi mi 109 awmna tura tih a ni a, mi 151 an tang mek thung. Ward pakhatah mi 27 awm tura tih a nih laiin mi 60 an awm mek bawk. Hmeichhia tang 16 an awm ve mek bawk.
Lunglei Jail atanga tlan chhuak te hi kum 2021-a Lunglei Chanmari nu pakhat vit hlumtua puh Lalchawimawia kum 24 leh ruihhlo vanga man mi 4 – Lalbawihliana (27) Zokhawthar; Dokapthang (26) Zokhawthar; Haudeihchhin (25) Tlangnuam, Champhai Dist; Vanneihthanga (38) Leisen Mynamar te an ni.
- AIR AIzawl
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: