LEHKHABU NI

 

- Vidpuia Hrahsel 

Lehkhabu Ni (World Book Day) hi kum tin April ni 23-a hman thin a ni a, kum 1995 atanga hman tan a ni. UNESCO chuan lehkha chhiar, chhuah leh lehkhabu tihhmasawn nan kum tin a hmang thin a ni. Lehkha chhiar hian hriatna a ti pung a, ngaihtuahna thar min siam sak thin. A chhiartute nun thlengin a kaihruai thei a, Lehkhabu hian tawng chungchangah leh thuziah dan kal hmangah hmasawnna a keng tel bawk. 

Social Media-in min chiah hneh tawh hle a, tupawh hian kan kut ah kan hum fer fur tawh. Ṭhalaite chauh nilo, nu leh pa, pi leh pu thlengin he changkanna leh nunphung hman awlsamna hian min luah hneh a, a ṭangkai hle bawk. Hei vang hian Print Media lamah erawh kan hnu fual ta deuh, mahni nuam tih zawng (hobby) a nih loh phei chuan, tumah hian Lehkhabu chhiar hi kan peih ta meuh lo.Social Media a kan hmuh leh kan hriat ah kan lungawi a, kan chik peih meuh lo va, lehkhabu chhiar lamah kan tlahniam ta deuh niin a lang. 

Social Media hian tun hma aia awlsam zawka thu hriat theihna leh chhiar theihna  hun remchang min siam rualin lehkhabu hlutna a tihniam tih hai rual a nilo, amaherawhchu thu puitling leh thil dik zawk teh nâna hmantlâk leh rintlâk chu Lehkhabu hi a ni. Khawi lo kalna ni khua a chawlh hahdamna hmunah te, Airport-ah te, park thlengin tunhmaa lehkhabu chhiar thin chu Phone khawihin a thlak tawh!  

Lehkhabu chhiar hi chawisan reng a ngai a, hriatna leh ngaihtuahna thar min pe tu, thu rintlak leh suangtuahna atanga chhuak thu mawi tak tak kan chhiar theihna atana thuziak tha tak tak min hluitu ziakmi te ngaihsan hi kan thiam zel chuan hma kan sawn zel ang. Zofate Thu leh Hla khawvela mi ropui tak tak te avanga chhiar tur kan nei hi lawm nachang i hre thar ang u.

Share it with your friends!

 

[Subscribe telegram channel for updates- https://t.me/exploremizoramchannel ]

(Feedback at: admin@exploremizoram.com )

[For Ads - Contact +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ