Aizawl | April 25, 2023: MZP General Headquarters, Aizawl buatsaihin vawiin April 25, 2023 chhun dar 12 khan MZP Conference Hall, Aizawl-ah 'World Book Day 2023' hman a ni a. Mizoram Information & Public Relations Minister Pu Lalruatkima chu khuallian a ni. He hun hi MZP Vice President Pu Andrew F Lalramnghaka'n a kaihruai a, PC Lalngaihawmi'n hunserh a hmang.
MZP President Lalnunmawia Pautu chuan thu sawiin, "MZP chuan hman atangin kan tawng a ral loh nan leh tih hausak nan theihtawp a chhuah thin a. Kan ram leh hnam tan sawiselna karah pawh huai takin ke a pen thin." a ti a. "Tawng hmasawn nan, Unau inpumkhat nan leh unau kan nihna avanga harsatna awm thei hrang hrang hre rengin hma kan la thin a ni." a ti.
Khuallian Pu Lalruatkima chuan Lekhabu pawimawh leh tangkai thu sawiin, "Thalaite hian miin Social Mediaa an duh duh an sawi hi thu lak tak tak nan a tlak lo," a ti a. "Lehkhabu awm lohna pindan chu ramhuai awmna pindan a ni, an ti thin a. Chuvangin, Lehkhabu chhiar kawngah hian tan kan lak hle loh chuan kan mawl tulh tulh dawn.” a ti a. Pa ngawi reng hi thil a ngaihtuah tam loh avangin sawi tur a hre lova a ngawi reng a ni, tih ngaihdan hi khawvelah hian a awm a, Pa tawng tam deuh hi sawi tur a ngaihtuaha a inchhiar zauh avanga sawi tur hria, an ni tlat,” a ti a. Lehkhabu kan chhiar tam loh avangin lehkhabu tihchhuah a tam theih loh thu a sawi bawk.
He hunah hian Book of the Year 2022 atana thlan 'Daidanna Bang Phena Thuruk' ziaktu Dr. Zohmangaihi chu lawmpuina hlan a ni a. Dr Zohmangaihi chuan lawmthu sawiin, "Israel ramah chuan, 'Israel ram chu Juda mite ta a ni,' an ti a, Juda mi tan kawng an hawn reng thu sawiin, "Mizoram pawh hi Mizoram chhunga zofate hian Zohnahthlak kan thenawm state leh ram hrang hranga awmte tan Zofate Jerusalema kan phal a tul," a ti.
He hunah hian Ziaktu lar leh hriathlawh Pu C Lalnunchanga kawmna leh biangbiakna hun hman a ni a. MZP hruaitute bakah Govt Johnson College Mizo Department zirlaite an tel a ni. World Book Day hi nikum 2022 April 23 pawh khan MZP buatsaihin hman a lo ni tawh a ni.
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: