Aizawl | April 25, 2023: Bawngkawn leh Thuampui inkar (Aiipuk) kawng chhak lamah thing leh lung tlak mai hlauhawm a awm avangin ni 26.4.2023 Chawhma dar 10:00 atanga Tlai dar 4:00 chhung hian then fai hna thawh a ni dawn a, hnathawh chhungin helai helai kawnga lirthei tlan a him loh avangin lirthei tlan dan tur ruahmanna siam a ni.
 |
| Rep. Pic |
Senior Superintendent of Police Traffic, Aizawl thuchhuah siamin, naktuka hnathawh chhung hian kawng dang zawh turin ruahmanna siam a ni.
1) Bawngkawn atanga Thuampui lam pan tur lirthei (LMV leh Two wheeler) te chu Bawngkawn Hmar veng kawng - Bawngkawn Presbyterian Biakin bul atanga Thuampui lam panna kawngah a tlan theih ang a, he mi kawng ah hian Thuampui atangin Bawngkawn lam panin lirthei tlan phal a ni lo.
2) Zemabawk leh Zuangtui lam atanga Aizawl khawpui chhung pan tur te Falkland atangin Chite lui kan in Armed Veng/Bethlehem Veng /ITI Veng lamah an kal thei ang.
3) Tin, LMV leh Two wheeler-te chu Thuampui atangin Durtlang via Zuangtui lamah a tlan theih ang a. Tin, Durtlang atangin Thuampui via Zuangtui lamah a tlan theih bawk ang.
4) Hnathawh chhung hian HMV; Zemabawk atanga Sairang, Sairang atanga Zemabawk pan turte tlan tlang phal a ni lo vang.
5) City Bus chu Bawngkawn, Durtlang junction Traffic Point-ah kualtir a ni ang.
Post a Comment
He post chungchanga i ngaihdan lo sawi ve rawh: