April 21, 2023: Assam leh Arunachal Pradesh sawrkar chuan state ramri buai chungchangah inremna thuthlung nimin khan an ziak. He inremna pawimawh tak hi Assam CM Himanta Biswa Sarma leh Arunachal Pradesh CM Pema Khandu ten Union Home Minister Amit Shah-a hriatpuinain New Delhi-ah an ziak a ni.
Inremna ang hian state pahnihte hian thingtlang khua 123 kaihhnawh an inrinaa ramri buaite chu an titawp dawn a, tunhma atanga lo pawm tawh dante, mipui chengte dinhmun azirte, sawrkar tana enkawl remchan zawkna turte, state pahnih ramri an hnaih dante leh a mi chengte beisei dan azirin an insiamrem dawn a ni.
State pahnihte chuan tuna an inremna chu an thutawp ni tur leh hun lo kal turah ram hauh belh awm tawh lo turin inremna hi an ziak tih an sawi a ni. Inremna ziah a nih hnu hian Survey of India chuan state ramri rin tha turin an zirchiang leh dawn a ni.
Union Home Minister Amit Shah-a chuan state pahnihten ramri buai chingfel tura inremna an ziak chu hlawhtlinna ropui tak a nih thu a sawi a. State pahnih ramri km 700 zeta thuia buaina kum tam tak lo awm tawh chu chinfel a ni ta a ni a ti bawk.
(Newsonair)
Share it with your friends!
[Subscribe telegram channel for updates- https://t.me/exploremizoramchannel ]
[For Ads - Contact +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
Post a Comment
He post chungchanga i ngaihdan lo sawi ve rawh: