Aizawl | April 10, 2023: Assam Rifles Hqrs. Mizoram Range Khatla, Aizawl-a hotute hnenah Congress Thalai Hqrs., Mizoram Pradesh Youth Congress Committee (MPYCC) hruaitute chuan Zokhawsang leh a chhehvela loneitute harsatna tawh mek chu an thlen a, Assam Rifles hotute chuan a rang thei anga loneitute harsatnate sutkian nghal an tum thu an lo sawi a ni.
Congress thalai thuchhuahin a sawi danin Zokhawsang leh a chhehvel ram - Sedaikawn, Ramthazawl, Khuangkhaului, Phivawklui, Lallozawl, Changelzawl, Aharram, Sangabawk leh Bulpui zau-a loneitute hian hun rei tak ata Zokhawsang ram hi feh kawng atan an lo hmang tawh thin a. Tunhnaiah Zokhawsang hi Assam Rifles Lakhimpur Battalion ten an awmna tura an cheibawl tak avangin feh kawng hi hman chhunzawm an phal lova. Loneitute mi engemaw zatin tunah hian harsatna an tawk mek ni a sawiin, chu'ng an harsatna tawhte chu MPYCC chuan Assam Rifles thuneitute hnenah an thlensak ta niin an sawi.
Lohal zawh thlai chi thlak hun lai, loneitute tana hun pawimawh a nih avangin MPYCC ngenna ang hian Assam Rifles thuneitute chuan thla hnih vel chhung chu ruahmanna an lo siam tur thu an sawi a. Battalion pakhat hmun tur a nih avangin hun rei tak erawh an camp paltlang hi a remti dawn lo a ni. Hetiang a nih avang hian MPYCC chuan Mizoram sawrkar chu loneitute'n harsatna an tawh chhunzawm loh na'n ruahmanna a rang thei ang bera siam turin an ngen thu an tarlang a. A tul hun apiangah MPYCC chuan Zemabawk leh Zokhawsang chhehvela loneitute thlavang hi hauhin hma an la zel dawn tih an tarlang.
Assam Rifles Hqrs Mizoram Range DIG Brig. Girish Upadhya chu a zin bo avangin 2nd in Command/ GSO1 Maj. Amit Yadav chuan MPYCC te hi a lo dawngsawng a, MPYCC hi President Dr. Lalmalsawma Nghaka hovin office bearers te an tel a ni.
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: