Aizawl | April 10, 2023: Tun hnai a social media lama darh chiam, US a an buaipui em em ‘Fentanyl’ damdawi Aizawlah rui an awm ve tawh ni a sawi chu Excise and Narcotics department hotute chuan an rin loh thu an sawi.
Excise and Narcotics department hotute chuan Fentanyl hi India ram chu a lo thleng tawh ngei a, Mumbai khawpui-ah te pawh an lo man tawh niin an sawi a. Kum 2019-ah pawh khan hemi chungchanga inrawnkhawmna hi Delhi-ah buatsaih a ni a, department hotute pawh an lo zu tel ve tawh a ni, an ti. Chutih rualin Mizoram a lo thleng ve tawh anga sawi hi chu a dika an rin loh thu an sawi a. Heroin leh thil dang ei pawlhin hetiang hian an khawsa tho niin an sawi a. Thil chiang leh finfiahna awm si lova hetianga social media-a tihdarh ţhin hi tih tawh loh ni se an duh thu leh ţhalaite’n an tih chak phah mai mai thei ni a an hriat thu an sawi a ni.
Excise official-te chuan Methamphetamine hi Mizoram kaltlang tam hle mahse a ngai (addict) chu an la awm lo ni a an hriat thu an sawi bawk a. Tun dinhmunah chuan Methamphetamine hi an man loh pawh pharam lamah a chhuak thla zel niin an sawi a ni.
- AIR Aizawl
Share it with your friends!
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: