Aam Aadmi Party (AAP) zirlai pawl chuan sorkar school-a zirlaibu awm lo a la tam thu leh sorkarin zirna in a ngaihsak lo chu tha lo an tih thu an sawi.

Aizawl | April 17, 2023: Aam Aadmi Party (AAP) zirlai pawl chuan sorkar school-a zirlaibu awm lo a la tam thu leh sorkarin zirna in a ngaihsak lo chu tha lo an tih thu an sawi.

AAP Chhatra Yuva Sangharsh Samiti (CYSS) hruaitute’n Mizoram AAP Chairman, Pu Andrew Lalremkima hoin vawiin khan Aizawl Press Club-ah chanchinbumite an kawm a; hetah hian CYSS Co-ordinator Pu Vanlalthlamuanpuia chuan kum 2023-24 academic session chu tun thla ni 5 khan tan a nih tawh thu leh vawiin thleng hian sorkar school naupang tam takin zirlaibu an la dawn loh thu a sawi a. Hetiang chiah hian kum kalta pawh khan zirlaiten harsatna an tawk tawh, a ti a. School thenkhatah chuan zirtirtu thahnemngaiten zirlaibu hlui la khawmin an sem a; zirlaibu thenkhat chu bazarah lei tur a awm lo va, tunah hian zirlaibu thenkhat phei chu press-ah an la chhu mek chauh niin a sawi a. AAP hruaitute chuan thingtlang school hrang hrang an biaknaah pawh zirlaibu la nei lo leh nei kim lo an tam thu an sawi a, sorkarin zirlaite mamawh zirlaibu a awm kim hmaa school an tan-pui chu tha lo an tih thu an sawi a ni. 

AAP CYSS Co-ordinator chuan sorkarin zirtirtu training a pe tha lo va, an zirna puitu tur hmanrua pawh a pe tha lo va, khawi hmunah pawh zirna In chhia leh kalphung tha lo chu sorkar school vek a ni, a ti a. Mizoram sorkar chu zirlaite mamawh a rang lama pe tura an phut thu leh sorkarin zirlaite mamawh hrang hrang a ngaihtuahpui duh lo a nih chuan na taka hma an lak chhunzawm zel tur thu a sawi a ni.

- AIR Aizawl

Share it with your friends!

 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]

EXPLORE MIZORAM

https://www.exploremizoram.com

email: admin@exploremizoram.com

Telegram channel:

https://t.me/exploremizoramchannel

FB page: https://www.facebook.com/exploremizoramportal

FB Group: https://www.facebook.com/groups/exploremizoram

Twitter: https://twitter.com/exploremizoram

Instagram: https://www.instagram.com/explore.mizoram

Youtube Channel: https://www.youtube.com/channel/UCyNrX06aSZ26HkIB25eo1YQ

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]

(He website kal zel theih nan hian fakna lo langte hi i lo hmet ve thin dawn nia.)