ZMC-a MBBS final year zirlai lungphu chawlin boral!

 "Ma'm, kan khua aṭanga hmeichhe doctor hmasa ber tur ka ni a sin!!" - Anita


Aizawl | March 9, 2023: Zoram Medical College, Falkawn a MBBS zirlai final year exam lai mek, subject khat chauh hmabak pawh Anita chu nizan khan lungphu chawlin a boral.

thenna ramah hian inthlah a ṭul leh ṭhin!

Anita boral thu hian ZMC zirlai, thawktu, zirtirtu bakah zirlai nu leh pate a nghawngin a barakhaih hle a. Chu mai a ni a, ZMC pawna dawr kai tam tak pawhin an ui thu hi an sawi chhuak nasa hle. Mi tam tak status a luah nasa hle a, Mizorama hnam dang boral mi status luah hnem pawl a ni thei hial mai thei!!!

"Nula nui sen sen ṭhin, a nui hmel lo chu hmuh tur a awm lo," tia ZMC pawna dawrkai pakhatin a sawi Anita hi Rajasthan state a thingtlang khaw pakhat aṭanga Doctor zir tura Mizoram lo kal a ni.

Rajasthan thingtlang kilkhawr tak atangin Nula Anita Kanwar hian kum 2018 atang khan ZMC-ah MBBS a rawn zir ve a. An khuaah hmeichhe doctor hmasa ber tur a nih avangin a zirlaiah theihtawp a chhuah thin. Harsatna tam tak paltlangin final year a thleng a. Vawiin hi an exam tawp ni tur niin, subject khat chiah a la bak a. Nimin tlai dar 6:30 vel khan a thaw a hah chiam a, ZMC hospital-ah kalpui a ni a, reiloteah a boral zui ta a ni.

ZMC-a zirlai leh thawktu zawng zawng ten Anita hi an lainat em em a, batch hrang hranga a zirlaipuite leh zirtirtu ten ralna an thawh khawm hlawm a. ZMC lama thawktute'n ralna cheng nuai khat chuang an thawh khawm bawk.

ZMC-a zirlai nu leh pate pawhin ralna an pe a, 2021 batch zirlai nu leh pate chuan ralna cheng 22,700/- a chhungte an hlan.

heta naktuk  tih hi March 9 a ni.

Anita ruang rawn buaipuitu a pa unaupa leh a unaupa (cousin brother) chu vawiin tlai khan Rajasthan atangin ZMC an rawn thleng a. Amah sunna leh thlahna hun hi vawiin tlai dar 5 khan ZMC Hospital lecture hall No.1-ah neih a ni a, naktuk zingah post mortem a ni anga, chumi hnuah Lengpui atangin a ruang hi thlawhtheihnain an khua Rajasthan lam pan pui a ni ang.

Nat lawkna awm si lova heti teh thuta boral ta chu, ralkhat atangin rinhlelhna leh ngaihthat lohna nen a chhungte hi Mizoram an rawn thleng a. Helama kan lo sawngbawl dan leh Anita thihnain min den nat zia an han hmuhin, ZMC thawktute leh a zirlai puite leh Mizo mipuite chungah an lawm em em a, an rilru an thlak chiang hle niin thu dawnna chuan a sawi. 

Anita hian lainattu a ngah hle mai a. Nizan khan ZMC-a doctor zirlai ten a ruang an tlaivar pui a, zanin hian a ruang hi tlaivarpui leh dawn a ni.


An khua aṭanga hmeichhe doctor hmasa ber tur a nih thu 2018 a sawi a, theih tawp chhuaha lehkha zir ṭhin chu nizan khan a nunna hlu tak a tawp a. An khua aṭanga hmeichhe tana lehkha zir harsat zia sawi a, a thil tum tihlawhtling tura theihtawp chhuah ṭhintu chu hriat reng ni tawh turin a herliam ta a ni.



(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
 

[News update awlsam taka i dawn theih nan telegram channel hi lo join ve ta che https://t.me/exploremizoramchannel ]


(Feedback at: admin@exploremizoram.com )

[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]



(He website kal zel theih nan hian fakna lo langte hi i lo hmet ve thin dawn nia.)






Post a Comment

He post chungchanga i ngaihdan lo sawi ve rawh:

Previous Post Next Post