Mizoramah chuan zirlaiin Class X first Division emaw, Distinction -a a pass emaw chuan Science la chhunzawm turah a in ngai tawp a, chu chu nu leh pa tamtakte ngaihdan a ni bawk. He ngaihdan hi thui tak chu a dik ngei mai a, mahse, zirlaite dinhmun a in chen loh em avangte, school luhna a zirte, chhungkaw dinhmun a zirtein thil hi a danglam nasa thei hle.
Mihring hian mizia kan nei hrang theuh a, kan mizia a zir chuan tuizawng leh nuam tih zawng, hna thawh awm chi pawh kan nei hrang theuh a ni. Kan kawng zawh tur hi a hrang ve thliah tihna a nih ber chu. Hetiang a nih avang hian miin result tha deuh a neih avangin result nei tha ve dangte nena kawng inang zawh dual dual tur an ni hran lo tih hi hriatreng tur a ni. Subject thlan fuh loh avanga kum 2/1 hloh ta zirlai tamtak an awm phah a, class XI leh XII a Science la, College chin a arts lama inlet leh ta te, Science la chhunzawm ve zuk, tuizawng a lo nih leh tak tak si loh avanga tun hma pha ta lo lutuk, kum 2/1 hloh hnua arts-a inlet leh ta te an awm fo a. Career-in a chhiat phah tak vek pawh engemawzat an awm ngei ang.
Science hi thiam theih vanga lak ngawt chi a ni lova, mizia, tuizawng zawng zawng nena inmil a ngaih avangin Science subject la thei tur ka ni em tih hi mahni inbihchian hmasak fe a ngai a ni.
Class x pass chiah hian stream chi hrang hrang zawh tur a awm nghal a. Zirna tluang pangngaiah chuan Arts, Science leh Commerce-ah a inthen nghal a. Kan stream thlan azirin kan hnathawh theih tur pawh engemaw chen chu a inthen nghal deuh ruak a ni.
A pawimawh berah chuan mahni inhriatchian a ngai a ni. Kan tuizawng, kan ngaihsan zawng, kan nuam tih zawng, kan thiam zawngte kan hriat a ngai a. Chutianga mahni kan inbihchian loh chuan kan thlang sual fo dawn tihna a ni.
Heng a hnuaia zawhnate hi uluk takin chhiar la, ngun taka i ngaihtuah hunah chhang la, i nihna diktak a nihi chuan point 2 inpe la, i chiang chiah lo a nih chuan point 1 inpe la, i nihna a ni lo a nih chuan 0 inpe ang che.
Self-Assessment Quiz
- Extra curricular activities Debate leh Dance vela tel ai chuan khawl lampang hnathawh dan zirchian vel hi nuam ka ti zawk.
- Economic theories lam ai chuan mihring taksa chhungril hnathawh dante hi ngaihnawm ka ti zawk.
- Puzzles solve velte hi nuam ka ti.
- Computer Games khel a, target tlin/thleng tura beihte hi nuam ka ti a.
- Thil chi hrang hrang han chawhpawlh vel leh, kan thil chawhpawlhin effect a neih dan tur han zir velte hi nuam ka ti.
- Thu harsa hriat tuma beihte, thil inkhaidiat indawt dan ang thlapa han ngaihtuah chhohte, permutation leh combination problems han solve velte hi nuam ka ti.
- Organic Chemistry (engemaw structure insiamchhuah dante, a hmanraw awmte leh a dinhmun zirchianna) hi a pawimawh ka ti.
- Technology inthlak zel milin ka insiamrem thei zel.
- Mathematics a thil harsa deuh chawhchhuah vel hi nuam ka ti.
- Thil te tak te te an inzawmkhawma thil an siamchhuah dan zirte hi nuam ka ti.
- Zirchian atana thil han zaiphel vel (dissection) hi nuam ka tih zawng tak a ni. Post mortem atana mihring taksa han zaidarh velte hi ka hlau lem lo.
I point inpek chu han belhkhawm teh le.
Results:
17 Points and above:- Congeatulations! Science hi i Subject lak tur diktak a ni e. Science subject la turin inbuatsaih rawh le.
12 - 17 Points:- Science hi i subject tuipui ni thei tura ngaih a ni. Chance a sang khawp mai.
Below 12 Points:- Science hi i tuipui lutuk lo tihna a ni. I zir a nih pawhin midang zawng aia nasa a i zir a ngai ang a, midanget aia nasa a i insawrbing a ngai ang.
Kan tih tur diktak hriat hi a pawimawh rualin kan tih loh tur hriatthiam hi a pawimawh em em bawk tih hriatreng tur a ni.
Source: Hillsgate
- Hlima Pachuau
(Khawngaihin, i lo share darh ve ngei dawn nia aw!)
(Khawngaihin, Explore Mizoram hi mi dang i lo hmelhriattir zel dawn nia!)
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(Feedback at: admin@exploremizoram.com )
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
[Website ah hian sumdawng leh mi tin tan tlawmtein fakna kan dahsak thei e. WhatsApp +919402125273 ]
EXPLORE MIZORAM
email: admin@exploremizoram.com
Telegram channel:
Twitter: https://twitter.com/exploremizoram
Instagram: https://www.instagram.com/explore.mizoram
Youtube Channel: https://www.youtube.com/channel/UCyNrX06aSZ26HkIB25eo1YQ
[News update awlsam taka i dawn theih nan telegram channel hi lo join ve ta che https://t.me/exploremizoramchannel ]
(He website kal zel theih nan hian fakna lo langte hi i lo hmet ve thin dawn nia.)
Post a Comment
He post chungchanga i ngaihdan lo sawi ve rawh: